اقتوبە وبلىستىق ەكولوگيا باسقارماسىنىڭ باسشىسى نۇرجان اققۇل كاسىپكەردەن 400 مىڭ تەڭگە كولەمىندە پارا الدى.
«نۇرجان اققۇلعا قاتىستى قىلمىستىق ءىس قوزعالدى. وتكەن جىلدىڭ جەلتوقسان ايىندا ول كاسىپكەردەن 400 مىڭ تەڭگە بوپسالاپ العان. قازىرگى ۋاقىتتا تەرگەۋ جۇمىستارى جۇرگىزىلىپ جاتىر. ول ءوز كىناسىن مويىندادى. اقتوبە وبلىستىق ەكولوگيا دەپارتامەنتى تىكەلەي مينيسترلىككە باعىنادى. سوندىقتان وبلىس اكىمىنىڭ ورىنباسارلارىنان ەشكىم جاۋاپكەرشىلىككە تارتىلمايدى», دەپ ءتۇسىندىردى وبلىس اكىمىنىڭ ءبىرىنشى ورىنباسارى رۋسلان حامباروۆ.
ايتا كەتسەك, نۇرجان اققۇل 2014-2020 جىلدار ارالىعىندا اقتوبە وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىن باسقارىپ, 2020 جىلدىڭ ءساۋىر ايىنان باستاپ وبلىستىق ەكولوگيا دەپارتامەنتىنىڭ باسشىسى قىزمەتىن اتقارىپ كەلگەن.
