اتموسفەرالىق فرونتتاردىڭ اسەرىنەن قازاقستاننىڭ سولتۇستىگىندە, شىعىسىندا, ورتالىعىندا قار جاۋادى, ەلدىڭ باتىسىندا جانە وڭتۇستىگىندە قار مەن جاڭبىر قابات جاۋادى. رەسپۋبليكا بويىنشا كەي جەرلەردە تۇمان ءتۇسىپ, جەل كۇشەيەدى, باتىستا - كوكتايعاق, وڭتۇستىكتە - نايزاعاي جارقىلدايدى.
جامبىل وبلىسىنىڭ سولتۇستىگىندە, تاۋلى اۋداندارىندا تۇمان تۇسەدى, وبلىستىڭ وڭتۇستىك-باتىسىندا, سولتۇستىك-باتىسىندا جەل ەكپىنى - 15-23 م/س.
تۇركىستان وبلىسىنىڭ تاۋلى اۋداندارىندا نايزاعاي وينايدى, جەل ەكپىنى 17-22 م/س دەيىن كۇشەيەدى.
الماتى وبلىسىنىڭ شىعىسىندا جەلدىڭ جىلدامدىعى - 15-20, تۇندە - 23 م/س جەتەدى, تۇندە جانە تاڭەرتەڭ وبلىستىڭ وڭتۇستىگىندە, ورتالىعىندا تۇمان بولادى.
اقمولا وبلىسىنىڭ وڭتۇستىگىندە, باتىسىندا - تۇمان, كۇندىز وبلىستىڭ وڭتۇستىك-شىعىسىندا سەكۋندىنا 15-20 مەتر جىلدامدىقپەن كۇشتى جەل سوعادى.
باتىس قازاقستان وبلىسىنىڭ سولتۇستىگىندە, وڭتۇستىك-باتىسىندا تۇمان ءتۇسىپ, كوكتايعاق بولادى. كۇندىز جەل ەكپىنى - 15-20 م/س.
اتىراۋ وبلىسىنىڭ سولتۇستىگىندە تۇمان تۇسەدى, كوكتايعاق بولادى. وبلىستىڭ شىعىسىندا جەل جىلدامدىعى 15-20 م/س جەتەدى.
ماڭعىستاۋ وبلىسىنىڭ وڭتۇستىگىندە, سولتۇستىگىندە جەلدىڭ كۇشى - 15-20 م/س. تۇندە جانە تاڭەرتەڭ باتىستا تۇمان بولادى.
كۇندىز اقتوبە وبلىسىنىڭ وڭتۇستىك-باتىسىندا, ورتالىعىندا جەل قارقىنى 15-20 م/س دەيىن كۇشەيەدى.
قوستاناي, سولتۇستىك قازاقستان وبلىستارىنىڭ وڭتۇستىگىندە, شىعىس قازاقستان وبلىسىنىڭ سولتۇستىگىندە, شىعىسىندا تۇمان تۇسەدى.
