كۇدىكتى «قۇجاتتىڭ سىرتىن» ساتىپ العان جانە پوليتسيا قىزمەتكەرىنىڭ قىزمەتتىك كۋالىگىنىڭ ۇلگىسىن تاۋىپ الىپ, ونى وزىنە قايتا جاساعانى انىقتالدى.
قۇجاتتا پوليتسەي ۋچاسكەلىك پوليتسيا ينسپەكتورى رەتىندە تىركەلگەن. سەمەيلىك بۇل ىسكە بايىپپەن قاراپ, ءتىپتى فوتوشوپتىڭ كومەگىمەن ءتارتىپ ساقشىسى كەيپىندەگى سۋرەت جاساپ العان. وسىلايشا, ول ۋچاسكەلىك پوليتسيا قىزمەتكەرىنە اينالعان.
ۇستالعان ازامات ءوزىنىڭ دوستارىن ءتانتى ەتۋ ءۇشىن فەيك جاساعانىن ايتىپ, ءوز كىناسىن مويىندادى.
وعان قاتىستى مىندەتتەۋ تۇرىندەگى پروتسەسسۋالدىق ماجبۇرلەۋ شاراسى تاڭدالدى. قازىرگى ۋاقىتتا سانكتسياسى ەكى جىلعا دەيىن باس بوستاندىعىنان ايىرۋ كوزدەلگەن قر قك 385-بابى 1-بولىگى (جالعان قۇجاتتاردى دايىنداۋ) بويىنشا سوتقا دەيىنگى تەرگەۋ جۇرگىزىلۋدە.
