ايماقتار • 09 ناۋرىز، 2022

الماتىدا ۇرلانعان قارۋدىڭ ءىرى پارتياسى تاركىلەندى

93 رەت كورسەتىلدى

الماتىدا قاڭتار ايىنداعى وقيعالار كەزىندە ۇرلانعان قارۋدىڭ ءىرى پارتياسى تاركىلەندى. بۇل تۋرالى قر ءىىم كولىكتەگى پوليتسيا دەپارتامەنتى حابارلادى، دەپ جازادى Egemen.kz.

كولىكتەگى پد باستىعى وڭال بەكيەۆتىڭ ايتۋىنشا، كولىك پوليتسياسى قىزمەتكەرلەرى تاركىلەگەن قارۋدىڭ ءىرى پارتياسى الماتىدا 5-6 قاڭتاردا بولعان جاپپاي تارتىپسىزدىك كەزىندە قارۋ-جاراق دۇكەندەرىنەن ۇرلانعان.

«الماتىدا قارۋ-جاراق دۇكەندەرىنە شابۋىل جاساعانى ءۇشىن ەكى ەر ادام ۇستالدى. الماتى اۋەجايىنداعى جاپپاي تارتىپسىزدىكتەرگە قاتىسقان وزبەكستاننىڭ 23 جاستاعى ازاماتى ۇرلىق جاسادى دەگەن كۇدىككە ءىلىندى. ونىڭ تۇرعىلىقتى جەرى بويىنشا ەكى پىشاق پەن ءبىر پنەۆماتيكالىق تاپانشا تاركىلەندى»، دەدى وڭال بەكيەۆ.

سونداي-اق پوليتسيا ءتىنتۋ كەزىندە 19 دانا پنەۆماتيكالىق قارۋ مەن ونىڭ پاتروندارى، 10 پىشاق، ءبىر كرەست، التى وپتيكالىق نىسانا جانە ءۇش وپتيكالىق قۇرىلعى تاركىلەنگەن 43 جاستاعى كۇدىكتىنى انىقتاپ، ۇستادى.

«اتالعان فاكتى بويىنشا سوتقا دەيىنگى تەرگەۋ باستالدى، كۇدىكتىلەردىڭ باسقا قىلمىستارعا قاتىستىلىعى تەكسەرىلۋدە. ولاردىڭ سىبايلاستارىن انىقتاۋ جانە ۇستاۋ بويىنشا شارالار قابىلدانۋدا»، دەدى وڭال بەكيەۆ.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار