پرەزيدەنت بۇرىنعى باس پروكۋرور عيزات نۇرداۋلەتوۆكە اتقارعان جۇمىسى ءۇشىن ريزاشىلىعىن ءبىلدىرىپ, ونىڭ جاڭا قىزمەتىنە تابىس تىلەدى.
مەملەكەت باسشىسى قوعامنىڭ باستى تالابى زاڭداردىڭ قاتاڭ ساقتالۋى ەكەنىنە توقتالدى. قاسىم-جومارت توقاەۆتىڭ ايتۋىنشا, قازىر پروكۋراتۋرا ورگاندارىنا جۇكتەلگەن ەڭ ۇلكەن مىندەت – قاڭتار وقيعاسىنا قاتىستى جاعدايلاردى مۇقيات ءارى جان-جاقتى تەرگەپ-تەكسەرۋ. پرەزيدەنت كەڭەستە تەرگەپ-تەكسەرۋ جۇمىستارى بارىسىندا زاڭدىلىقتى قامتاماسىز ەتىپ, ازاماتتاردىڭ قۇقىقتارىن ساقتاۋ قاجەت ەكەنىنە نازار اۋداردى. سونىمەن قاتار كىنالى ادامدارعا قاتىستى جاۋاپكەرشىلىك شارالارىن قابىلداي وتىرىپ, راستالعان ءاربىر حابارلاماعا دەر كەزىندە ءمان بەرۋدى, تەرگەۋ بارىسى جونىندە حالىققا ۋاقتىلى اقپارات تاراتۋدى تاپسىردى.
سونداي-اق باس پروكۋراتۋراعا ەسكىرگەن تاسىلدەردەن ارىلىپ, انتيگۋمانيستىك قاتىناستارعا قاتىستى جاۋاپكەرشىلىكتى كۇشەيتەتىن ۇسىنىستار ازىرلەۋ تاپسىرىلدى.
پرەزيدەنتتىڭ ايتۋىنشا, سالاداعى جۇمىستى ىلگەرىلەتۋ ءۇشىن قوعامنىڭ قولداۋىنا يە بولاتىن جاڭا يدەيالار مەن ءادىس-تاسىلدەر, جاڭاشا ويلايتىن ماماندار قاجەت.
