ەكونوميكا • 02 ناۋرىز، 2022

قازاقستان مۇنايىنا دا سانكتسيا سالىنا ما؟

182 رەت كورسەتىلدى

S&P Global Commodity Insights باسىلىمى ۇندىستاندىق ءىرى مۇناي-گاز كومپانياسى Indian Oil Corporation-نىڭ ساقتاندىرۋ تاۋەكەلىنە بايلانىستى رەسەيلىك جانە قازاقستاندىق مۇنايدى ساۋدادان الىپ تاستاعانىن جاريا ەتتى. كورپوراتسيا كەز كەلگەن تولەم جانە ساقتاندىرۋ تاۋەكەلىنە ۇشىراماس ءۇشىن ءوز جەتكىزۋشىلەرىنەن رەسەيلىك جانە قازاقستاندىق مۇنايدى ۇسىنباۋدى سۇراعان.

«بۇل جايلى سپوتتىق ساۋداعا قاتىساتىن ترەيدەرلەر حابارلادى. مۇنداي قادامنىڭ باستى سەبەبى – حالىقارالىق سانكتسيانىڭ سالىنۋى مەن تولەمنىڭ تەجەلىپ قالۋىنا جول بەرمەۋ» دەگەن اتى-ءجونىن بەلگىسىز قالدىرۋدى سۇراعان كومپانيا وكىلى.

دەرەك كوزىنىڭ حابارلاۋىنشا، ەلدىڭ اسا ءىرى مەملەكەتتىك مۇناي وڭدەۋ زاۋىتى رەسەيلىك Urals جانە ۆستو، سونداي-اق قازاقستاندىق CPC (Caspian Pipeline Consortium – كاسپي قۇبىر كونسورتسيۋمى) سياقتى مۇناي سورتتارىنىڭ free-on-board جاعدايىندا قابىلدانبايتىنىن مالىمدەگەن.

«مۇناي يمپورتتاۋ تۇرعىسىنان الەمدەگى ءۇشىنشى ەل سانالاتىن ءۇندىستان 2021 جىلى رەسەيدەن مۇناي يمپورتىنىڭ 1 پايىزدان ازىن يمپورتتادى. اقپان ايىندا، رەسەي ۋكرايناعا باسىپ كىرمەي تۇرىپ Indian Oil Corporation ساۋىردە جوعارى كۇكىرتتى Urals رەسەيلىك سورتىنىڭ 2 ملن تونناسىن جەتكىزۋ تۋرالى كەلىسىمشارت جاساعان. ترەيدەردىڭ سوزىنشە، ءۇندىستان مەملەكەتتىك بانكى اقش، ەو جانە بۇۇ سانكتسياسىنا تاپ بولعان قانداي دا ءبىر ترانزاكتسيالاردى وڭدەمەيدى» دەپ جازادى S&P Global.

ءۇندىستاننىڭ رەسەيدەن الاتىن يمپورت سەبەتىنە شيكى مۇناي، تابيعي گاز، كومىر، تابيعي قازبا بايلىق، مەرۋەرت، اسىل جانە جارتىلاي اسىل تاستار، يادرولىق رەاكتور، قازاندىق، ماشينا جانە مەحانيكالىق قۇرىلعىلار، ەلەكتر ماشينالار مەن تىڭايتقىشتار كىرەدى.

 اقش پەن ونىڭ وداقتاستارىنىڭ قارجىلىق سانكتسيالار پاكەتى اياسىندا رەسەيلىك بانكتەردى SWIFT حالىقارالىق تولەم جۇيەسىنەن اجىراتۋى، وزگە دە قاتاڭ قارجىلىق شەكتەۋلەر كوپتەگەن مۇناي وڭدەۋ كومپانيالارىنىڭ وزدەرىنىڭ رەسەيلىك مۇنايعا قاتىستى جوسپارلارىن قايتا قاراۋعا ءماجبۇر ەتتى.

كانادا ءبىرىنشى بولىپ رەسەيگە ەمبارگو جاريالادى. پرەمەر-مينيستر دجاستين تريۋدو پۋتين مەن ونىڭ وليگارحتارىنا ۇلكەن پايدا اكەلىپ وتىرعان كەز كەلگەن رەسەيلىك شيكى مۇناي يمپورتىنا تىيىم سالامىز دەدى. كانادا مۇناي ءوندىرۋ قاۋىمداستىعىنىڭ دەرەگىنشە، 2019 جىلى كانادا رەسەيدەن 18 000 باررەل مۇناي ونىمدەرىن يمپورتتاعان. ءسويتىپ، رەسەيدى اقش پەن ساۋد ارابياسىنان كەيىنگى اسا ءىرى جەتكىزۋشى دەڭگەيىنە شىعارعان.

«بۇل قازاقستان ءۇشىن رەسەي فەدەراتسياسىنا قارسى سانكتسيالار ەنگىزىلگەننەن كەيىن تىكەلەي شەكتەۋلەردىڭ ىقپالىنا ءتۇسۋدىڭ ءبىرىنشى پرەتسەدەنتى. ەل ەكونوميكاسىنا كەرى اسەرىن تيگىزۋى مۇمكىن مۇنداي جاعدايلاردىڭ الدىن الۋ ءۇشىن شۇعىل شارالار قابىلداۋ قاجەت دەپ ەسەپتەيمىز»، دەپ جازعان ەدى قارجى ساراپشىسى اندرەي چەبوتارەۆ.

كەيىنىرەك Tengrinews باسىلىمى ەنەرگەتيكا مينيسترلىگىنىڭ «قازمۇنايگاز» ماماندارىنا سىلتەمە جاساي وتىرىپ جاساعان پىكىرىن جاريا ەتتى. ولاردىڭ ايتۋىنشا، Indian Oil Corporation-نىڭ قازاق مۇنايىنان تولىق باس تارتۋى شىندىققا ساي كەلمەيدى.  

«ۇندىستاندىق باق جانە Refinitiv اقپارات اگەنتتىگىنىڭ مالىمەتى بويىنشا Indian Oil Corporation ساقتاندىرۋ جانە مۇناي وڭدەۋ زاۋىتتارىنا جەتكىزۋ شىعىندارىنىڭ ارتۋىنا بايلانىستى FOB نەگىزىندە Urals جانە CPC مۇناي ماركالارىن الۋدى توقتاتۋ تۋرالى حاباردار ەتكەن. ەگەر ساتۋشى مۇنايدى مۇناي وڭدەۋ زاۋىتىنا ءوزى جەتكىزگەن جاعدايدا Indian Oil Corporation ونى ساتىپ الاتىن بولادى» دەلىنگەن مينيسترلىك حابارلاماسىندا. 

ۆەدومستۆونىڭ حابارلاۋىنشا، مۇنى Bloomberg اقپارات اگەنتتىگى جانە ۇندىستاندىق مۇناي كومپانياسىنىڭ ءوزى دە راستايدى. سەبەبى، 28 اقپاندا Urals جانە CPC مۇناي ماركاسىن مۇناي وڭدەۋ زاۋىتتارىنا جەتكىزىپ بەرۋ نەگىزىندە تەندەرلىك تاپسىرىس جاريالانعان.

كاسپي قۇبىر كونسورتسيۋمى تاۋلىگىنە 1،2 ملن باررەل مۇناي جەتكىزەدى. بۇل – الەمدىك جەتكىزۋدىڭ 1،2 پايىزى. جالپى، قازاقستاندا وندىرىلەتىن مۇنايدىڭ ءۇش مارشرۋت ارقىلى ەكسپورتقا شىعارىلاتىنى بەلگىلى: رەسەيلىك پورتتار ارقىلى، كاسپي قۇبىر كونسورتسيۋمى ارقىلى جانە قىتايعا باعىتتالعان قۇبىر جەلىلەرى ارقىلى. كاسپي قۇبىر كونسورتسيۋمىنىڭ ءوزى مۇنايدى الدىمەن رەسەيلىك نوۆوروسسيسك پورتىنا جەتكىزىپ، سول جەردەن شارتاراپقا جونەلتەدى. بۇل ورايدا Reuters نارىقتا راسىمەن قازاق مۇنايىن ساتۋ قيىنداعانىن راستايدى.

«كقك قۇبىر جەلىسى سوڭعى كۇندەرى انتيرەسەيلىك سانكتسيا پروبلەمالارىنا تاپ بولدى. قازاقستاندىق مۇنايدىڭ رەسەيلىك سورتتارمەن قوسىلۋى جانە ولاردىڭ رەسەيلىك پورتتاردان تيەلۋى سەبەپتى تۇتىنۋشىلار ونى ساتىپ الۋدان قاشىپ جاتىر» دەلىنگەن حابارلامادا.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار