بۇعان دەيىن جيۋل كۋندەنى كاتالونيالىق «بارسەلونا», ۇلىبريتانيالىق «چەلسي» فۋتبول كلۋبتارى قاتارلارىنا قوسقىسى كەلسە, ەندى مادريدتىك «رەالدىڭ» باسشىلارى دا قىزىعۋشىلىق تانىتىپ وتىر. فۋتبولشىنىڭ «سەۆيليا» فۋتبول كلۋبىمەن كەلىسىمشارتى 2024 جىلى اياقتالادى. ال فۋتبولشىنى جەدەل ساتىپ العىسى كەلەتىن كوماندا كەلىسىمشارتتا كورسەتىلگەن 80 ميلليون ەۋرونى «سەۆيليانىڭ» ەسەپ-شوتىنا اۋدارسا, ويىنشى سول كوماندانىڭ جەيدەسىن كيەدى. جالپى «سەۆيليانىڭ» باسشىلارى كەلىسسوزدەر جۇرگىزىلگەن كۇننىڭ وزىندە قورعاۋشىنى كەلىسىمشارتتا كورسەتىلگەن 80 ميلليونعا جەتەقابىل سوماعا ساتۋعا نيەتتى. ال Transfermarkt كۋندەنىڭ قۇنىن 60 ميلليون ەۋروعا باعالاپ وتىر.
