ەلشىنىڭ ايتۋىنشا, عالامتوردا كيەۆ قالاسىنىڭ جابىلعانى تۋرالى جالعان اقپارات تاراعان. ول ۋكراينا استاناسىنان اۆتوبۋسپەن ۋكراين-پولياك شەكاراسىنا دەيىن 40 ادامدى شىعارۋ جوسپارلانعانىن اتاپ ءوتتى.
«قازاقستاننىڭ ۋكرايناداعى ەلشىلىگى كيەۆتە, سونداي-اق, لۆوۆ, حاركوۆ, ودەسسا جانە دنەپردە تاعى ءتورت قۇرمەتتى كونسۋلدىعى بار. بارلىق قۇرمەتتى كونسۋلدار ەرىكتى نەگىزدە جۇمىس ىستەيتىنىن اتاپ وتەمىن, ياعني ولار ءبىزدىڭ ازاماتتارىمىزدى ۋكراينادان پولياك كاتوۆيتساسىنا ءوز ەسەبىنەن تاسىمالداۋدى ۇيىمداستىرادى», دەپ ءتۇسىندىردى قر ۋكرايناداعى ەلشىسى.
ەلشى وعان ۋكراينادان ەۆاكۋاتسيالانعان قازاقستاندىقتاردان ءتۇرلى شاعىمدار كەلىپ تۇسەتىنىن اتاپ ءوتتى.
«ماعان ءبىرىنشى رەيسپەن جىبەرۋدى تالاپ ەتكەن ەر ادام كەلدى. وعان ءبىرىنشى كەزەكتە ايەلدەر مەن بالالار تاسىمالداناتىنىن قالاي تۇسىندىرۋگە بولادى؟», دەدى دارحان كالەتاەۆ.
ەلشى ەۆاكۋاتسيالاۋدى سۇراعان قازاقستان ازاماتتارىنىڭ سانىن دا اتادى.
«قازىرگى ۋاقىتتا 657 قازاقستاندىق ۋكراينادان ەۆاكۋاتسيالاۋعا ءوتىنىش تولتىردى. قازىر ءبىزدىڭ ازاماتتارىمىزدى تاسىمالدايتىن العاشقى رەپاترياتسيالىق رەيس كاتوۆيتسەدەن ۇشۋعا دايىندالىپ جاتىر», دەپ قوستى دارحان كالەتاەۆ.
بۇعان دەيىن 241 قازاقستاندىق پولشا شەكاراسىنان وتكەنى بەلگىلى بولدى.
