ارالاس سيپاتتا وتكەن سەسسيانىڭ كۇن تارتىبىنە تۇراقتى كوميتەتتىڭ, پارلامەنتتىك اسسامبلەيانىڭ جالپى ءۇش كوميتەتىنىڭ وتىرىستارى, سونداي-اق «ەۋروپاداعى قاۋىپسىزدىك كەپىلدىگى جانە قاۋىپسىزدىكتىڭ ورتاقتىعى: ەقىۇ ءرولى» تاقىرىبى بويىنشا پىكىرسايىس ەنگەن بولاتىن.
ەقىۇ باس حاتشىسى, وسى ۇيىم ينستيتۋتتارىنىڭ باسقا دا باسشىلارى, سونداي-اق ونىڭ پارلامەنتتىك اسسامبلەياسىنىڭ توراعاسى پارلامەنتشىلەر الدىندا ءسوز سويلەدى.
ەقىۇ پا ارناۋلى وكىلى بولىپ تابىلاتىن قر پارلامەنتى سەناتى توراعاسىنىڭ ورىنباسارى اسقار شاكىروۆ تۇراقتى كوميتەت وتىرىسى اياسىندا ورنىقتى دامۋ سالاسىنداعى ماقساتتار بويىنشا اتقارىلعان جۇمىستار تۋرالى بايانداما جاسادى.
قىسقى وتىرىسقا سەناتورلار اقمارال ءالنازاروۆا, عۇمار دۇيسەمباەۆ جانە قايرات قوجامجاروۆ تا قاتىستى.
