قىرعىزستاندا الەم چەمپيونى وتىرعان ماشينە جارىپ جىبەرىلدى

قىرعىزدىڭ توقموق قالاسىندا بەلگىسىز بىرەۋلەر كيكبوكسينگتەن الەم چەمپيونى رۋسلان اباسوۆ پەن جۇبايى وتىرعان Toyota ءاۆتوموبيلىن جارىپ جىبەردى. بۇل تۋرالى شۋ مەملەكەتتىك ىشكى ىستەر دەپارتامەنتىنەن يتار-تاسس تىىلشىسىنە حابارلادى. «جارىلىس سپورتشى مەن ونىڭ جۇبايى كولىككە وتىرعان كەزدە ورىن الدى, - دەپ اتاپ ءوتتى ىشكى ىستەر دەپارتامەنتىندەگىلەر. – قازىرگى تاڭدا بولعان وقيعانىڭ جاي-جاپسارى تەكسەرىلۋدە». وسى وقيعادان كەيىن اباسوۆ توقماق قالالىق اۋرۋحاناسىنا الىپ بارا جاتقان جولدا قايتىس بولعان. ونىڭ ايەلى قازىر اۋىر حالدە جاتىر. توتەنشە جاعداي بولعان جەردە ساپەرلەر مەن كريميناليستەر جۇمىس جاساپ جاتىر. الايدا, ولار قىلمىسكەرلەردىڭ جارىلاتىن قوندىرعىنىڭ قانداي ءتۇرىن پايدالانعانىن انىقتاي الار ەمەس. «بولعان جايدىڭ بىرنەشە بولجامى قاراستىرىلۋدا, بىراق نەگىزگىسى رەتىندە تەررورلىق اكت ايتىلادى», - دەپ اتاپ ءوتتى ىشكى ىستەر دەپارتامەتىندەگىلەر. وتكەن ونجىلدىقتىڭ ورتاسىندا رۋسلان اباسوۆ WBKF نۇسقاسى بويىنشا الەم چەمپيونى اتانعان بولاتىن. بۇدان بولەك, WAKO نۇسقاسى بويىنشا الەمنىڭ ەكى دۇركىن, سونداي-اق ينتەركونتينەنتالدى  WAKO نۇسقاسى بويىنشا الەمنىڭ ءبىر دۇركىن, سونداي-اق ەۋروپانىڭ  ەكى مارتە چەمپيونى بولعان ەدى. 2006 جىلى ول 93 كيلوعا دەيىنگى سالماقتا ەۋروپانىڭ WBKF نۇسقاسى بويىنشا جەڭىمپازدىققا قول جەتكىزگەن. قۇرىش نۇرىمبەت. ءراسىم: يتار-تاسس. فوتو: يتار-تاسس/NewsTeam/ابدۋلا ماگومەدوۆ, ارحيۆ.