انىقتاما ءۇشىن ايتا كەتەيىك, ەلدەگى بارشا ەكىنشى دەڭگەيلى بانكتىڭ (ەدب) مەنشىك كاپيتالى 4,5 ترلن تەڭگەگە جەتكەن. ءسويتىپ سوڭعى ءبىر جىلدا 14,7 پايىزعا وسكەن. ال قىتايلىق ەنشىلەس بانكتەردىڭ وتاندىق ەدب جالپى كولەمىندەگى ۇلەس سالماعى 3,9-دان 3,8 پايىزعا تومەندەگەن.
Ranking پورتالىنىڭ جازۋىنشا, ەلدەگى 3 قىتايلىق قارجى ۇيىمىنىڭ ەڭ الىبى – AltynBank. مەنشىك كاپيتالىنىڭ كولەمى – 74,4 ملرد تەڭگە. 2020 جىلدىڭ جەلتوقسان ايىمەن سالىستىرعاندا 3,4 پايىزعا جوعارى. بۇل بانكتىڭ ءۇش بىردەي اكتسيونەرى بار, ولار – China CITIC Bank Corporation Limited (50,1 پايىز), China Shuang weiInvestment Co., Ltd كومپانياسى (9,9 پايىز) جانە «قازاقستان حالىق بانكى» اق (40 پايىز). ودان كەيىنگى ورىندا قازاقستانداعى قىتاي ەنشىلەس بانكى (62,8 ملرد تەڭگە) مەن قىتاي ساۋدا-ونەركاسىپ بانكى (36,3 ملرد تەڭگە).
2021 جىلى وسى ءۇش بانك بىرىگىپ 33,9 ملرد
تەڭگە تابىس تاپقان. بۇل 2020 جىلدىڭ كورسەتكىشىمەن سالىستىرعاندا 22,4 پايىزعا كوپ. AltynBank-ءتىڭ تابىسى 16,6 ملرد تەڭگە بولسا, قازاقستانداعى قىتاي بانكى مەن قىتاي ساۋدا-ونەركاسىپ بانكى 9,1 جانە 8,2 ملرد تەڭگە پايدا جيعان.
جالپى, قىتايدىڭ ءالسىز ەلدەر ەكونوميكاسىنا ۇيىرسەك ەكەنى بۇرىننان بەلگىلى. الەمدى اسكەرسىز جاۋلاۋدىڭ الۋان ءادىسىن مەڭگەرگەن كورشىلەس ەل وزگەلەردى وزىنە بورىشكەر ەتۋ ارقىلى مۇددەسىن بيىكتەتە تۇسەدى. ءبىزدىڭ ەلدە دە الپاۋىت 3 بانكىنىڭ جۇمىس ىستەپ جاتۋى دا تەگىن ەمەس.
دۇنيە جۇزىلىك بانكتىڭ حابارلاۋىنشا, سوڭعى 20 جىل بەدەرىندە قىتايلىق مەملەكەتتىك بانكتەر دامۋشى ەلدەرگە مولىنان نەسيە بەرىپ كەلە جاتىر. بىراق قارىز پارامەترلەرى ەش جەردە انىق-اشىق جاريالانباعان. ءتىپتى كەيبىر نەسيە تۇرلەرى رەسمي ستاتيستيكادا كورسەتىلمەيدى.
«قىتايلىق زايمداردىڭ ادەتتەگى نەسيەدەن ايىرماشىلىعى – قارىزدار مەملەكەتتىك بانك اتىنان بەرىلەدى, قارىز الۋشىدان قۇپيالىلىقتى ساقتاۋ تالاپ ەتىلەدى, ال تولەم مەرزىمىنىڭ ءوتىپ كەتۋى جاسىرىن تۇردە قالا بەرەدى. سونىڭ سالدارىنان دەفولت ءجيى بولادى. قازىر جاپپاي نەسيەلەۋ ازايدى, بىراق نەسيەنى وتەۋگە بايلانىستى تۋىنداعان قيىندىقتار دەفولتقا جانە قارىزدى ۇدايى قايتا قۇرىلىمداۋعا الىپ كەلدى. ونداي كەزدە قارىزعا قىزمەت كورسەتۋ شارتى مىڭ سان رەت وزگەرەدى. پاندەميا باستالعان مەزەتتە قارىز جۇكتەمەسىن جەڭىلدەتۋ قۇقىعىن العان 73 ەلدىڭ جارتىسىنان استامى ءالى قارجىلىق قيىندىق جاعدايىندا تۇر. بۇل رەتتە قىتايلىق بانكتەر وزدەرىن 80-جىلدارداعى باتىس ەلدەرى سياقتى ۇستايدى: قارىز ءىس جۇزىندە ەسەپتەن شىعارىلمايدى, كەيىنگە قالدىرىلعان تولەمدەرگە ارتىقشىلىق بەرىلەدى. ال جوعارى قارىزدىق جۇكتەمە پروبلەماسى مۇلدە شەشىلمەيدى», دەلىنگەن دۇنيەجۇزىلىك بانك بايانداماسىندا.
AltynBank – بۇرىنعى «HSBC بانك قازاقستان» اق, قازاقستاندا 1998 جىلدان باستاپ جۇمىس ىستەيدى. اتاۋى 2018 جىلى وزگەردى. ال «قازاقستانداعى قىتايبانكى» – Bankof China Limited-ءتىڭ ەنشىلەس بانكى. الەمنىڭ 57 ەلىندە بۇل قارجى ينستيتۋتىنىڭ فيليالى مەن ەنشىلەس بانكتەرى جۇمىس ىستەيدى. قازاقستاندا 1993 جىلدان بەرى جۇمىس ىستەپ كەلە جاتىر. بانك قازاقستان مەن قىتايدىڭ بىرلەسكەن جوبالارىنا, «نۇرلىجول» باعدارلاماسىن ابەلسەنە قاتىسادى.
ال قىتاي ساۋدا-ونەركاسىپ بانكى 2019 جىلى قازاقستانداعى كوممەرتسيالىق بانكتەردىڭ ىشىندەگى ەڭ جوعارى نەسيە رەيتينگىنە يە بانك اتاندى. قازىرگى ساتتە دە بانكتىڭ ءوتىمدىلى كجانە مەنشىك كاپيتال كورسەتكىشتەرى ءتاۋىر سانالادى, بانك اكتيۆتەرىنىڭ ساپاسى دا جوعارى. بانكتىڭ رەسمي سايتىندا قارجى ۇيىمىنىڭ باستى ميسسياسى – قازاقستاننىڭ قارجى نارىعىنىڭ پروگرەسسيۆتى جانە ساپالى دامۋىنا ىقپال ەتۋ جانە ەل ەكونوميكاسىنىڭ يندۋستريالىق ترانسفورماتسياسىنا جاردەم بەرۋ دەپ كورسەتىلگەن.
