«بۇل پاتسيەنتتىڭ ەڭ جاقسى كلينيكانى تاڭداۋ مۇمكىندىگى. بۇگىنگى كۇنى قور نۇر-سۇلتان قالاسى بويىنشا 113 مەديتسينالىق قىزمەت جەتكىزۋشىمەن شارت جاساستى, ونىڭ ىشىندە 76 كلينيكا جەكە تۇلعالار. جالپى رەسپۋبليكا بويىنشا الەۋمەتتىك مەديتسينالىق ساقتاندىرۋ قورى 2022 جىلى حالىققا مەديتسينالىق قىزمەت كورسەتۋگە 1389 مەديتسينالىق ۇيىممەن شارت جاساستى, ولاردىڭ جارتىسىنان كوبى – جەكە ۇيىمدار. بيىل حالىققا مەديتسينالىق قىزمەتتەردى قارجىلاندىرۋعا 2 ترلن تەڭگە, ونىڭ ىشىندە ءمامس جۇيەسىندە 838 ملرد تەڭگە قاراستىرىلعان», دەپ حابارلايدى قوردىڭ نۇر-سۇلتان قالاسىندا ورنالاسقان فيليالىنىڭ ءباسپاسوز قىزمەتى.
الەۋمەتتىك مەديتسينالىق ساقتاندىرۋ قورىندا اتاپ وتىلگەندەي, مىندەتتى الەۋمەتتىك مەديتسينالىق ساقتاندىرۋ جۇيەسى «اقشا پاتسيەنتتىڭ ىزىمەن جۇرەدى» قاعيداتى بويىنشا جۇمىس ىستەيدى.
پاتسيەنتتىڭ قانداي دا ءبىر تەكسەرۋلەردەن ءوتۋ كەزىندە قوردىڭ كورسەتىلەتىن قىزمەتتەرىن بەرۋشىلەر تىزبەسىنەن مەديتسينالىق ۇيىمدى تاڭداۋعا قۇقىعى بار. ول ءۇشىن ۋچاسكەلىك دارىگەردىڭ نەمەسە ءوز ەمحاناسىنداعى ماماننىڭ جولداماسى بولۋى قاجەت.
