اتاپ ايتقاندا «Hürriyet» گازەتىنىڭ شولۋشىسى فاتيح چەكيرگە, «Habertürk» گازەتىنىڭ ءتىلشىسى, بەلگىلى ساياساتتانۋشى كۇرشاد زورلۋ, تۇركيا رەسپۋبليكاسىنىڭ سىرتقى ىستەر ءمينيسترىنىڭ ءباسپاسوز كەڭەسشىسى ارماگان فەكە, «Milliyet» گازەتىنىڭ انكاراداعى وكىلى ديدەم وزەل تۇمەر, «Türkiye» شولۋشىسى مەريەم ايبيكە سينان,«Yeni Birlik» گازەتىنىڭ شولۋشىسى نەشە بەربەر, «Türkgün» گازەتىنىڭ شولۋشىسى قادىر يىلدىز حالىقارالىق تۇركى اكادەمياسىنا ارنايى كەلىپ, تۇركى مۋزەيىن ارالاپ كورىپ, ۇيىمنىڭ اتقارىپ جاتقان جۇمىستارمەن تانىستى.
كەزدەسۋ بارىسىندا د. قىدىرالى تۇرىك جۋرناليستەرىنە تۇركى اكادەمياسىنىڭ جۇزەگە اسىرعان جۇمىستارى تۋرالى بايانداپ, الداعى ۋاقىتتا جوسپارلانعان جوبالارمەن تانىستىردى. اكادەميا باسشىسى قوناقتارعا تۇركى الەمىنىڭ تۇعىرلى تۇلعالارى, ورتاق وقۋلىقتارى جانە «Turkbarometr» cەكىلدى جوبالاردىڭ جونىندە اقپارات بەرىپ, تۇركى ينتەگراتسياسىنداعى باق ءرولى تۋرالى ايتتى.
ءوز كەزەگىندە تۇرىك جۋرناليستەرى اكادەميا باسشىسىنىڭ جىلى قابىلداۋىنا ريزاشىلىعىن ءبىلدىرىپ, اتقارىپ جاتقان جۇمىستارى مەن يگى باستامالارىنا ساتتىلىك تىلەدى.
كەزدەسۋ سوڭىندا د. قىدىرالى تۇركى اكادەمياسىنا ارنايى كەلىپ, ءىلتيپات كورسەتكەن مەيماندارعا العىس ايتىپ, باعالى عىلىمي ەڭبەكتەردى سىيلادى.
