تاراپتار بىرقاتار وزەكتى ماسەلەلەردى, اتاپ ايتقاندا, ساۋدا-ەكونوميكالىق جانە ترانزيتتىك-كولىكتىك ىنتىماقتاستىق, ونەركاسىپتىك جانە وتىن-ەنەرگەتيكالىق كەشەن, تسيفرلاندىرۋ جانە عارىش سالاسى سالالارىنا قاتىستى ماسەلەلەردى تالقىلادى. 2021 جىلى ەكى ەل اراسىنداعى تاۋار اينالىمىنىڭ ءوسۋى 29%-دى قۇرادى.
ءا.سمايىلوۆ اگروونەركاسىپ كەشەنىندەگى قارقىندى ءوسۋدى اتاپ ءوتتى.
«وتكەن جىلى اوك-دەگى ءوزارا ءىس-قيمىل 32%-عا ءوستى. سونىمەن قاتار, بۇل سالادا ۇلكەن الەۋەت بار. ءوزارا ساۋدانى ۇلعايتۋ, ونىڭ قۇرىلىمىن ۇلعايتۋ, جەتكىزىلەتىن تاۋارلار نومەنكلاتۋراسىن كەڭەيتۋ جونىندەگى جۇمىستى جالعاستىرۋدى ۇسىنامىز. رەسەيلىك اگروونەركاسىپتىك بيزنەستى تىعىز ىنتىماقتاستىققا شاقىرامىز», دەدى قر پرەمەر-ءمينيسترى.
ترانزيتتىك-كولىكتىك ىنتىماقتاستىق ماسەلەلەرىن تالقىلاي وتىرىپ, قازاقستان پرەمەر-ءمينيسترى «ەۋروپا – باتىس قىتاي» حالىقارالىق كولىك باعىتىن دامىتۋ جونىندەگى اۋقىمدى جوبانى اتاپ ءوتتى. قازاقستاندىق جانە قىتايلىق قۇرىلىس ۋچاسكەلەرى اياقتالدى.
قازاقستان تاراپى «مەريديان» اۆتوموبيل جولىنىڭ جوباسىن جالعاستىرۋ رەتىندە اقتوبە قالاسىنان رەسەي شەكاراسىنا دەيىن ورال قالاسى ارقىلى ساماراعا دەيىنگى اۆتوجول ۋچاسكەسىن قايتا جاڭارتۋدى كوزدەپ وتىر. قوزعالىس قارقىندىلىعىنىڭ ارتۋىنا قاراي ۋاقىت وتە كەلە 2025-2030 جىلدارى جول ساناتىن 4 جولاققا دەيىن كەڭەيتۋ جوسپارلانۋدا.
سونداي-اق, قازاقستان مەن رەسەي اراسىنداعى اۋە قاتىناسىن جولعا قويۋ ماسەلەسىنە ەرەكشە نازار اۋدارىلدى. قازىرگى ۋاقىتتا كورشى ەلدەر اراسىندا 21 باعىت بويىنشا اپتاسىنا 54 رەيس ورىندالىپ جاتىر. جالپى رەيستەردىڭ بىرتىندەپ قالپىنا كەلۋى بايقالادى. الايدا, قولدا بار سۇرانىس تولىعىمەن قاناعاتتاندىرىلماعان.
سونىمەن قاتار, ءا.سمايىلوۆ پەن م.ميشۋستين قازاقستاننىڭ سولتۇستىك جانە شىعىس وڭىرلەرىن, ونىڭ ىشىندە رەسەي فەدەراتسياسىن گازداندىرۋ نۇسقالارىن تالقىلادى.
«گازپروم» جانە «QazaqGaz» كومپانيالارى جىلدىڭ ءبىرىنشى توقسانىنىڭ سوڭىنا دەيىن قازاقستاننىڭ سولتۇستىك جانە شىعىس وڭىرلەرىن گازداندىرۋ جوباسىنا باعالاۋ جۇرگىزۋى ءتيىس. تاراپتار گاز قۇبىرلارىن سالۋ باعىتتارى مەن تۇتىنۋ كولەمىن انىقتايدى. ءا.سمايىلوۆ قىسقا مەرزىمدى پەرسپەكتيۆادا ناقتى شەشىم قابىلداۋ ءۇشىن وسى سالاداعى جۇمىستاردى جانداندىرۋعا مۇددەلىلىك ءبىلدىردى.
ءوز كەزەگىندە ميحايل ميشۋستين ەۋرازيالىق ەكونوميكالىق وداق فورماتىنداعى ينتەگراتسيالىق بايلانىستاردىڭ نىعايۋىنا جانە ءوزارا مۇددەلەردە ساۋدا-ەكونوميكالىق ىنتىماقتاستىقتى قامتاماسىز ەتۋگە ءۇمىت ءبىلدىردى.
«رەسەي مەن قازاقستان اراسىنداعى ساۋدا-ەكونوميكالىق ىنتىماقتاستىعىمىز ايتارلىقتاي تابىستى دامىپ كەلە جاتقانىن قاناعاتتانۋشىلىقپەن اتاپ وتكىم كەلەدى. 2021 جىلى تاۋار اينالىمى 2020 جىلمەن سالىستىرعاندا ۇشتەن بىرگە ۇلعايدى جانە $25 ملرد استى, بۇل ءبىزدىڭ بۇكىل تاريحىمىزداعى ءوزارا ساۋدانىڭ رەكوردتىق كورسەتكىشى», دەدى رەسەي ۇكىمەتىنىڭ باسشىسى.
كەزدەسۋ سوڭىندا قازاقستاندىق جانە رەسەيلىك تاراپتاردىڭ وكىلدەرى رەسەي فەدەراتسياسىنىڭ ۇكىمەتى مەن قازاقستان رەسپۋبليكاسىنىڭ ۇكىمەتى اراسىنداعى 2021-2025 جىلدارعا ارنالعان ەكونوميكالىق ىنتىماقتاستىقتىڭ كەشەندى باعدارلاماسىن ىسكە اسىرۋ جونىندەگى ءىس-شارالار جوسپارىنا قول قويدى.
