جامبىل وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ حابارلاۋىنشا, 22 اقپان كۇنى بايزاق اۋدانىنىڭ پوليتسيا بولىمىنە 29 جاستاعى تۇرعىن حابارلاسقان. ول اقجار اۋىلىنان 15 شاقىرىم جەردەگى قۇمدى اۋماقتا, بۇرىنعى اسكەري پوليگون اۋماعىندا سنارياد جاتقانىن جەتكىزگەن.
«سنارياد انىقتالعان جەرگە تەز ارادا پوليتسيا دەپارتامەنتى مەن «وڭتۇستىك» وڭىرلىك قولباسشىلىعىنىڭ 28349 اسكەري ءبولىمىنىڭ ساپەرلەرى جىبەرىلدى. سنارياد «وفاب-100» مودەلىنىڭ جارىقشاقتى-فۋگاستى اۋە بومباسى ەكەنى انىقتالدى», دەپ ءتۇسىندىردى ۆەدومستۆودان.
