وقيعا • 23 اقپان، 2022

الماتىدا قارۋ-جاراق دۇكەندەرىن توناعان ءۇش كۇدىكتى ۇستالدى

93 رەت كورسەتىلدى

الماتىدا قارۋ-جاراق دۇكەندەرىن توناۋعا قاتىسقانداردى ۇستاۋ بويىنشا ەكى ارنايى ءىس-شارا جۇرگىزىلدى، دەپ حابارلايدى Egemen.kz Polisia.kz سايتىنا سىلتەمە جاساپ.

ءۇش كۇدىكتى قاماۋعا الىندى. ۇرلانعان قارۋدىڭ ءبىر بولىگى «دوستىق» شاعىن اۋدانىنداعى ۇيلەردىڭ بىرىنەن، ال ەكىنشىسى – الماتى وبلىسى، قاراساي اۋدانى اۋماعىنداعى جامبىل ەلدى مەكەنىندەگى ۇيدەن تابىلىپ، تاركىلەنگەن.

«ەكى كۇدىكتى 25 جاستا، بىرەۋى 27-دە. 5 قاڭتارعا قاراعان ءتۇنى ولار «كامەراد» اڭشىلىق دۇكەنىن توناپ كەتكەن. قاسكويلەر ۇرلانعان زاتتاردى ءۇيدىڭ جەرتولەسىنە تىعىپ، ۇستىنە قۇم باسىپ كەتكەن. ءارتۇرلى ماركاداعى ءتورت تەگىس ۇڭعىلى مىلتىق، اۆتومات، 720 پاترون، بەس اڭشىلىق پىشاق، اربالەت، وپتيكالىق كوزدەۋىش جانە وق-ءدارى تاركىلەندى جانە قىلمىستىق ءىس ماتەريالدارىنا تىركەلدى. كۇدىكتىلەر كىناسىن مويىنداپ، دۇكەنگە قالاي كىرگەندەرىن ايتىپ بەردى»، دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ. 

تەرگەۋشىلەر «ۇشتىكتىڭ» وسىعان ۇقساس قىلمىستارعا قاتىسى بار-جوعىن انىقتاۋدا. قىلمىستىق ءىس قر قك-ءنىڭ 291-بابى 3-بولىگى (قارۋدى، وق-دارىلەردى، جارىلعىش زاتتاردى ۇرلاۋ) بويىنشا تەرگەلىپ جاتىر. بۇل باپتىڭ سانكتسياسىندا بەس جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ كوزدەلگەن.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار