قالا اكىمى مۇرات ايتەنوۆ جاس زەرتتەۋشىلەر بايقاۋىنا بارىپ, قاتىسۋشىلاردىڭ عىلىمي جوبالارىمەن تانىستى.
مۇنداي بايقاۋ جاستاردىڭ جاراتىلىستانۋ عىلىمدارىنا قىزىعۋشىلىعىن ارتتىرىپ, جوعارى سىنىپ وقۋشىلارىن عىلىم مەن تەحنيكانىڭ ءار ءتۇرلى سالالارىنا باعىتتاۋدىڭ العى شارتى.
ءداستۇرلى بايقاۋ بۇل جولى العاش رەت حالىقارالىق ستاندارتقا ساي كورمە تۇرىندە ۇيىمداستىرىلدى. قورىتىندى كەزەڭدە 749 جاس ونەرتاپقىشتىڭ اۆتورلىعىمەن 596 عىلىمي جوبا ۇسىنىلدى.
بايقاۋ ءتورت باعىت بويىنشا وتكىزىلۋدە: «عىلىمي-تەحنيكالىق پروگرەسس – ەكونوميكالىق ءوسۋدىڭ نەگىزگى بۋىنى», «ەكونوميكالىق جانە الەۋمەتتىك پروتسەستەردى ماتەماتيكالىق مودەلدەۋ», «تازا تابيعي ورتا», «قازاقستاننىڭ تاريحي ەسكەرتكىشتەرى جانە بولاشاعى بار ساياحات باعدارلارى».
كونكۋرس قورىتىندىسى بويىنشا جەڭىمپازدار مەن جۇلدەگەرلەر ءبىلىم جانە عىلىم مينيسترلىگىنىڭ I, II, III دارەجەلى ديپلومى تابىستالىپ, التىن, كۇمىس جانە قولا مەدالدارىمەن ماراپاتتالادى.
جەڭىمپازداردان تۇراتىن قۇراما كوماندا جىل سايىنعى ISEF-2022 (اقش) وقۋشىلارىنىڭ حالىقارالىق عىلىمي جوبالار كونكۋرسىنا ءوز جۇمىستارىن ۇسىنادى.
