پرەزيدەنت • 22 اقپان, 2022

جۇمىسشىلارعا لايىقتى ەڭبەكاقى تولەنۋى ءتيىس – پرەزيدەنت

620 رەت

كورسەتىلدى

1 مين

وقۋ ءۇشىن

بەينەبايلانىس رەجيمىندە وتكەن كەزدەسۋدە قاسىم-جومارت توقاەۆ پەن لاكشمي ميتتال «ارسەلورميتتال تەمىرتاۋ» كومپانياسىنىڭ جۇمىسىنا قاتىستى بىرقاتار وزەكتى ماسەلەنى تالقىلادى, دەپ حابارلايدى Egemen.kz اقورداعا سىلتەمە جاساپ.

تابيعات مۇسىلمانقۇل

جۇمىسشىلارعا لايىقتى ەڭبەكاقى تولەنۋى ءتيىس – پرەزيدەنت

پرەزيدەنتكە كومپانيانىڭ ينۆەستيتسيالىق باعدارلاماسى جانە ءوندىرىستى ۇلعايتۋ, ءونىمنىڭ جاڭا تۇرلەرىن شىعارۋ, سونداي-اق قازاقستانمەن الداعى ۋاقىتتاعى سەرىكتەستىك اياسىندا الەۋمەتتىك مىندەتتەمەلەردى ورىنداۋ جونىندەگى جوسپارى تۋرالى مالىمەت بەرىلدى. سونداي-اق قۇرال-جابدىقتاردى جاڭارتۋ, ماتەريالدىق-تەحنيكالىق بازانى جاقسارتۋ, كاسىپورىندارداعى ەڭبەكتى قورعاۋ ماسەلەلەرى قاراستىرىلدى.

مەملەكەت باسشىسى قاۋىپسىز جۇمىس ورتاسىن قامتاماسىز ەتۋدىڭ, حالىقارالىق قاۋىپسىزدىك تالاپتارىن ساقتاۋدىڭ جانە قىزمەتكەرلەردى وقىتۋدىڭ اسا ماڭىزدى ەكەنىن اتاپ ءوتتى. قاسىم-جومارت توقاەۆ قازاقستاندىق جۇمىسشىلارعا لايىقتى ەڭبەكاقى تولەنۋگە ءتيىس ەكەنىن ايتتى.

سونىمەن قاتار «ارسەلورميتتال تەمىرتاۋ» كومپانياسىنىڭ 2024 جىلعا قاراي قالدىقتاردى 30 پايىزعا, ال 2030 جىلعا قاراي 50 پايىزعا ازايتۋ, سونداي-اق وسى ستراتەگيانى ىسكە اسىرۋعا قاراعاندى وبلىسىنىڭ جۇرتشىلىعىن تارتۋ ءۇشىن قابىلداپ جاتقان شارالارىنا ەرەكشە نازار اۋدارىلدى.