قالالىق باس سانيتارلىق دارىگەردىڭ ورىنباسارى سادۋاقاس بايعابۇلوۆتىڭ ايتۋىنشا, وتكەن اپتادان بەرى الماتى قالاسىنىڭ كاسىپكەرلەرىنەن, ءتۇرلى ۇيىمداردان الداعى 8 ناۋرىز حالىقارالىق ايەلدەر كۇنى مەن ناۋرىز مەيرامىن قالاي تويلايتىنى تۋرالى ساۋالدار كەلىپ تۇسكەن.
«بۇعان دەيىن 18 اقپاندا ەلىمىزدىڭ باس سانيتارلىق دارىگەرى كەزەكتى كارانتيندىك ەرەجەلەر مەن شەكتەۋلەردى بەلگىلەدى. جاڭا تالاپتارعا سايكەس كونفەرەنتسيالار مەن فورۋمدار, سونداي-اق سالتاناتتى كەشتەر مەن ەسكە الۋ كەشتەرىن وتكىزۋگە بولادى.
كورپوراتيۆتىك كەشتەر, باسقا دا بۇقارالىق ءىس-شارالار تەك Ashyq نىساندارىندا وتكىزىلۋى كەرەك. الماتى قالاسى «قىزىل» ايماقتا بولعاندىقتان كەلۋشىلەر سانى 70 پايىزدان اسپاۋ كەرەك. الدا كوروناۆيرۋستىڭ جاڭا جاعدايلارى ازايىپ, قالا «سارى» نەمەسە «جاسىل» ايماققا اۋىسسا, وندا ەشقانداي شەكتەۋلەر بولمايدى», دەپ ءتۇسىندىردى سادۋاقاس بايعابۇلوۆ.
