ۇكىمەت • 19 اقپان، 2022

ءاليحان سمايىلوۆ ازىق-ت ۇلىك باعاسىن تۇراقتاندىرۋ بويىنشا كەڭەس وتكىزدى

59 رەت كورسەتىلدى

پرەمەر-مينيستر ءاليحان سمايىلوۆ قر پرەزيدەنتى قاسىم-جومارت توقاەۆتىڭ تاپسىرمالارىن ىسكە اسىرۋ جونىندە كەڭەس وتكىزدى، دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

كەڭەستە وڭىرلەر بويىنشا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى، تۇراقتاندىرۋ قورلارىنداعى ءونىم قورى جانە مونوپولياعا قارسى شارالار قارالدى.

وڭىرلەر بويىنشا ءبىر اپتا ىشىندە باعانىڭ ەڭ جوعارى ءوسۋى الماتىدا 0،6%-عا، شىعىس قازاقستان، قوستاناي جانە قىزىلوردا وبلىستارىندا 0،4%-عا تىركەلدى.
سوڭعى اپتادا تۇراقتاندىرۋ قورلارىندا 100،7 مىڭ توننا كولەمىندە كارتوپ قورى دايىندالدى. سونداي-اق، 31،7 مىڭ توننا ءسابىز، 24،5 مىڭ تونناعا جۋىق قىرىققابات، 23،5 مىڭ توننا پياز، 11،6 مىڭ توننا قاراقۇمىق جارماسى جانە 22 مىڭ توننا كۇنباعىس مايى بار.

بۇگىندە وڭىرلەر كوكونىس ونىمدەرىنىڭ باعاسىن ۇستاپ تۇرۋ ءۇشىن وسى ازىق-ت ۇلىك قورلارىن ساۋدالاي باستادى.

«جەكەلەگەن كوتەرمە-بولشەك ساۋدا بازارلارىندا باعانى نەگىزسىز كوتەرۋ بايقالۋدا. بۇعان جول بەرمەۋ كەرەك. تۇپتەپ كەلگەندە بۇل ينفلياتسياعا اسەر ەتەدى. بۇل سالادا مۇمكىن، قاداعالاۋ ورگانىمەن بىرگە ءتارتىپ ورناتۋ قاجەت. جەدەل شارالاردان باسقا، وندىرۋشىلەردىڭ كوتەرمە-بولشەك بازارلارىنا قولجەتىمدىلىگىن قامتاماسىز ەتۋ بويىنشا ناقتى زاڭنامالىق نورمالاردى بەلگىلەۋدىڭ جۇيەلى شارالارىن ازىرلەۋ قاجەت»، دەدى ءا. سمايىلوۆ.

كەڭەس بارىسىندا ينفلياتسيانى باقىلاۋدىڭ كەشەندى شارالارىن قابىلداۋ ماسەلەسى قارالدى.

2022-2024 جىلدارعا ارنالعان ينفلياتسيانى باقىلاۋ جانە تومەندەتۋ شارالارى كەشەنىنىڭ جوباسى ازىرلەندى، ول جەدەل جانە ورتا مەرزىمدىك سيپاتتاعى 66 ءىس-شارانى قامتيتىن 5 باعىتتان تۇرادى. ولار ءونىم ءوندىرۋ كولەمىن ۇلعايتۋدى، تاۋارلاردى ساقتاۋ جانە ونىڭ لوگيستيكاسىن، تاسىمالداۋ، تاۋارلاردىڭ بولشەك ساۋداسىن، باعا بەلگىلەۋدى باقىلاۋدى، مونوپولياعا قارسى جانە سىرتقى ساۋدانى رەتتەۋدى كوزدەيدى.

باسەكەلەستىكتى قورعاۋ جانە دامىتۋ اگەنتتىگى باسەكەلەستىكتى قورعاۋ سالاسىنداعى زاڭنامانى بۇزۋعا جول بەرمەۋ، سونداي-اق اتىراۋ، قاراعاندى جانە قوستاناي وبلىستارىندا ساۋدا-ساتتىق كەزىندە الەۋمەتتىك ماڭىزى بار ازىق-ت ۇلىك تاۋارلارىنا ساۋدا ۇستەمەسىن 15%-دان 10%-عا دەيىن تومەندەتۋ بويىنشا 5 اكتى جاسادى.

سونىمەن قاتار كەڭەسكە قاتىسۋشىلار «اۋىل – ەل بەسىگى» باعدارلاماسى اياسىندا ەلىمىزدىڭ باتىس جانە وڭتۇستىك وڭىرلەرىندە قوسىمشا جوبالاردى ىسكە اسىرۋ ماسەلەسىن قاراستىردى. مەملەكەت باسشىسىنىڭ تاپسىرماسىنا سايكەس باعدارلاما شەڭبەرىندە ءبىلىم بەرۋ، مادەنيەت جانە سپورت، دەنساۋلىق ساقتاۋ سالاسىنداعى 130 جوبادان تۇراتىن ءتىزىم جاسالدى.

جالپى، 2022 جىلدىڭ قورىتىندىسى بويىنشا باتىس وڭىرلەردە 8 مەديتسينا نىسانى، 15 ءبىلىم بەرۋ نىسانى، 14 سپورت، 15 مادەنيەت نىسانى، وڭتۇستىك وڭىرلەردە 26 مەديتسينا نىسانى، 23 ءبىلىم بەرۋ، 14 سپورت، 15 مادەنيەت نىسانى سالىنىپ، جاڭعىرتىلادى.

اتالعان ءىس-شارالاردى ىسكە اسىرۋ رەسپۋبليكانىڭ باتىس جانە وڭتۇستىك وڭىرلەرىندەگى 112 اۋىلدىق ەلدى مەكەندە تۇراتىن 500 مىڭنان استام اۋىل تۇرعىندارىنا مەديتسينالىق، ءبىلىم بەرۋ، سپورت جانە باسقا دا قىزمەتتەردى ۇسىنۋ ساپاسىن قامتاماسىز ەتۋگە مۇمكىندىك بەرەدى.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار