پەتروپوليستە ءۇش ساعات ىشىندە 29 سانتيمەتردەن استام جاڭبىر جاۋىپ, 80-گە جۋىق ءۇي قيرادى. بيلىك 110-نان استام ادام ءالى كۇنگە دەيىن حابار-وشارسىز كەتتى دەپ مالىمدەدى.
ريو-دە-جانەيرودان سولتۇستىككە قاراي ورنالاسقان قالا تانىمال تۋريستىك ورتالىق سانالادى. برازيليا پرەزيدەنتى جاير بولسونارۋ وڭىردەگى قوزعالىستى قالپىنا كەلتىرۋگە كومەكتەسۋ ءۇشىن فەدەرالدى قاراجات بولىنەتىنىن ايتتى. ول, سونداي-اق Twitter-دە قايعىلى جاعداي تۋرالى جازىپ, جاڭبىردان زارداپ شەككەندەر ءۇشىن دۇعا ەتۋدى ۇسىندى.
«جاعداي سوعىس كەزىندەگىدەي... كولىكتەر توڭكەرىلىپ, باعانالارعا ءىلىنىپ تۇر, اۋدارىلىپ جاتىر, كىر مەن سۋ كوپ», دەدى ريو-دە-جانەيرو گۋبەرناتورى كلاۋديو كاسترو.
پەتروپوليس مەرياسى ءۇش كۇندىك ازا تۇتۋ جاريالادى, ويتكەنى 700-دەن استام ادام ۇيلەرىن تاستاپ كەتۋگە ءماجبۇر بولعان. ولار مەكتەپتەر مەن ۋاقىتشا باسپانالارعا كوشىرىلدى. ءورت ءسوندىرۋ قىزمەتى مەن جەرگىلىكتى ازاماتتىق قورعانىس جاساقتارى ءتىرى قالعانداردى تاۋلىك بويى ىزدەپ جاتىر. مۇنداي جاۋىن-شاشىن پەتروپوليستە سوڭعى رەت 1932 جىلى بولعان.
