ءاليحان سمايىلوۆتىڭ ايتۋىنشا, وتاندىق كاسىپكەرلەر كەڭەسىمەن بىرگە ينۆەستيتسيالىق احۋالدى جانە بيزنەس ورتانى ءارى قاراي جاقسارتۋعا باعىتتالعان شارالار ىسكە اسىرىلادى.
«مەملەكەت باسشىسى اتاپ وتكەندەي, بيلىك پەن بيزنەستىڭ سىندارلى ءوزارا ءىس-قيمىلى الەۋمەتتىك تۇراقتىلىقتىڭ نەگىزىن قۇرايدى. ۇكىمەت بيزنەسپەن بىرلەسە جۇمىس ىستەۋگە دايىن. بارشاڭىزدى پرەزيدەنت بەلگىلەگەن مىندەتتەردى ىسكە اسىرۋعا «اتامەكەن» پالاتاسىنىڭ شەڭبەرىندە جانە جاقىندا قۇرىلعان ۇكىمەت جانىنداعى وتاندىق كاسىپكەرلەر كەڭەسىنىڭ جۇمىسىنا بەلسەندى تۇردە اتسالىسۋعا شاقىرامىن. ۇكىمەت پەن بيزنەس-قوعامداستىقتىڭ ورتاق كۇش-جىگەرىنىڭ ارقاسىندا عانا جەتىستىكتەرگە قول جەتكىزۋگە جانە بارلىق قيىندىقتاردى ەڭسەرۋگە بولادى», دەدى پرەمەر-مينيستر.
