داۋىس بەرۋ ۇلتتىق پالاتانىڭ IX كەزەكتەن تىس سەزىندە ءوتتى.
«ماعان سەنىم ارتقان بارلىق دەلەگاتتارعا العىس ايتقىم كەلەدى. پالاتانى بىرگە رەفورمالاۋ ءۇشىن بار كۇش-جىگەرىمدى سالاتىنىما كەپىلدىك بەرەمىن. ءبىز جاڭا پالاتادا بىرگە جۇمىس ىستەيتىنىمىزگە سەنىمدىمىن. جاقسىلاپ جۇمىس ىستەيىك», دەدى رايىمبەك باتالوۆ ءوز سوزىندە.
بۇعان دەيىن اتالعان لاۋازىمدى تيمۋر ق ۇلىباەۆ اتقارعان,17 قاڭتاردا ونىڭ وكىلەتتىگى توقتاتىلدى.
ءدال سول كۇنى رايىمبەك باتالوۆ ۇلتتىق پالاتا تورالقا توراعاسىنىڭ مىندەتىن اتقارۋشى بولىپ سايلاندى.
رايىمبەك باتالوۆ 1970 جىلى الماتىدا دۇنيەگە كەلگەن.
ەڭبەك ءوتىلى:
«ريددەر ينۆەست» مەتاللۋرگيا كەشەنىنىڭ باسقارۋشى ديرەكتورى;
«نوۆودجامبۋل فوسفور زاۋىتى» حيميالىق كەشەنىنىڭ جەتەكشىسى;
توبىل ەلەۆاتورىنىڭ, مەركىدەگى قانت زاۋىتىنىڭ, شىمكەنت جەو-3 باسقارۋشىسى;
«رايىمبەك» ساۋدا فيرماسىنىڭ نەگىزىن قالاۋشى, «Raimbek» حولدينگى ديرەكتورلار كەڭەسىنىڭ توراعاسى (1992 جىلدان).
باسقا لاۋازىمدار:
قازاقستان كاسىپكەرلەرى فورۋمى كەڭەسىنىڭ توراعاسى (2002);
شىۇ ىسكەرلىك كەڭەسىنىڭ باسشىسى (2005);
قر ءماجىلىسى جانىنداعى قوعامدىق پالاتانىڭ مۇشەسى (2007);
قازاقستان سۋ استى سپورتى فەدەراتسياسىنىڭ پرەزيدەنتى (2009);
قر پرەمەر-ءمينيسترىنىڭ توراعالىعىمەن بىرىڭعاي ۇيلەستىرۋ كەڭەسىنىڭ مۇشەسى, قر پرەزيدەنتى جانىنداعى كاسىپكەرلىك جونىندەگى كەڭەستىڭ مۇشەسى (2010 جىلدان باستاپ);
ەۋرازيالىق ەكونوميكالىق كوميسسيانىڭ كاسىپكەرلىك ماسەلەلەرى جونىندەگى كونسۋلتاتيۆتىك كوميتەتىنىڭ تاۋەلسىز ساراپشىسى, ماسكەۋ (2012 جىلدان باستاپ);
ENACTUS قازاقستان ديرەكتورلار كەڭەسىنىڭ توراعاسى (09.2015 ج. باستاپ);
قازاقستان ۆەلوسپورت فەدەراتسياسىنىڭ ءبىرىنشى ۆيتسە-پرەزيدەنتى (2015 جىلدان باستاپ);
ازيا ۆەلوسپورت كونفەدەراتسياسىنىڭ ۆيتسە-پرەزيدەنتى (03.2017 ج. باستاپ);
قازاقستاننىڭ ۇلتتىق كاسىپكەرلەر پالاتاسى تورالقاسىنىڭ مۇشەسى, «اتامەكەن» قر ۇكپ تورالقا توراعاسىنىڭ مىندەتىن اتقارۋشى (02.2022 ج.باستاپ).
