– قازاقستان مەن رەسەي اراسىندا ماڭگى تاتۋ كورشىلىك تۋرالى كەلىسىم بار. رەسەي – عاسىرلار بويى قاتار ءومىر ءسۇرىپ كەلە جاتقان قۇدايى كورشىمىزدىڭ ءبىرى. قازاقتىڭ تاعدىرىنا وسىلاي جازىلعان. مۇنى ءبىز وزگەرتە المايمىز. ساياسي, ساۋدا-ەكونوميكالىق جانە مادەني بايلانىستاردى نىعايتا بەرۋىمىز كەرەك, – دەدى پرەزيدەنت.
ونىڭ ايتۋىنشا, بۇل قازاقستاننىڭ ستراتەگيالىق مۇددەسىنە ساي كەلەدى.
– ءيا, راسىندا دا, كەيبىر رەسەيلىك ساياساتكەرلەر تاراپىنان «قازاقستاننىڭ سولتۇستىك وبلىستارىنداعى جەرلەر بىزدىكى» دەگەن سوزدەر ايتىلدى. بىردەن كەسىپ ايتايىن. بۇل – اقىلعا سىيمايتىن, ورىنسىز پىكىر. رەسمي بيلىك, ياعني كرەمل, ارينە, بۇل ءۋاجدى قولدامايدى.
ەكى ەلدىڭ باسشىلىعى اراسىندا جەر ماسەلەسىنە قاتىستى ەشقاشان داۋ تۋىنداعان ەمەس. ماعان ۆ.ءپۋتيننىڭ ءوزى «جەرگە قاتىستى ەشقاشان ماسەلە كوتەرمەيمىز» دەپ ايتقان. سوندىقتان الاڭدايتىن ەشنارسە جوق. شەكارامىز تولىق ايقىندالعان, بەكىتىلگەن. بۇل اقيقاتتى بۇكىل الەم مويىندايدى. ەكى ەلدىڭ اراسىنداعى بايلانىستارعا سىزات تۇسپەگەن, – دەدى قاسىم-جومارت توقاەۆ.
مەملەكەت باسشىسى رەسەي پرەزيدەنتى وسىنداي قاعيداتتارعا ادالدىعىن, بەرىكتىگىن كورسەتكەنىن تىلگە تيەك ەتتى.
