اتالعان سىندا قازاقستان نامىسىن نادەجدا موروزوۆا مەن ەكاتەرينا ايدوۆا قورعادى. جارىس قورىتىندىسى بويىنشا نادەجدا موروزوۆا 1000 مەتردى 1:15,69-سەكۋندتا باعىندىرىپ, وليمپيادا ويىندارىن 11-ورىنمەن اياقتادى.
ال ەكاتەرينا ايدوۆا اتالعان قاشىقتىقتى 1:16,70 ۋاقىت كورسەتكىشىمەن جۇگىرىپ ءوتىپ, جالپى ەسەپتە 19-ورىننان كورىندى. بۇل سىندا باس جۇلدەنى 1:13.19 ۋاقىت كورسەتكىشىمەن جاپونيالىق ميحو تاكاگي جەڭىپ الدى.
ول سونداي-اق وليمپيادا رەكوردىن جاڭارتتى. ەكىنشى ورىندى نيدەرلاندى قۇراماسىنىڭ وكىلى دجۋتتا لەەردام (1:13,83) قانجىعاسىنا بايلادى.
ال 1000 مەتردى 1:14.61 ۋاقىت كورسەتكىشىمەن جۇگىرىپ وتكەن امەريكالىق بريتتاني بوۋي قولا جۇلدەنى ەنشىلەدى.
ايتا كەتەيىك, اتالعان اق وليمپيادا ويىندارىندا ەلىمىزدىڭ نامىسىن 8 سپورت تۇرىنەن 34 سپورتشى قورعاپ جاتىر. ولار - قىسقى سپورت ويىندارىنىڭ ىشىندە سپورتتىڭ شاڭعى جارىسى, فريستايل-موگۋل, شاڭعى اكروباتيكاسى, تاۋ شاڭعىسى, شاڭعىمەن سەكىرۋ, بياتلون جانە شورت-ترەك تۇرلەرىنەن سىنعا تۇسۋدە.
بەيجىڭ وليمپياداسى 20 اقپاندا مارەسىنە جەتەدى.
