13 اقپان كۇنى قارابالىق پوليتسيا ءبولىمىنىڭ كەزەكشى بولىمىنە اۋىل تۇرعىنى ەكى ەر ادامدى ۇرعانى تۋرالى حابارلاما كەلىپ ءتۇستى. بۇل تۋرالى 20 جاستاعى قارابالىق اۋدانىنىڭ تۇرعىنى جانە وقيعانىڭ كۋاگەرى حابارلاعان.
وقيعا ورنىنا ءبىرىنشى بولىپ جەتكەن پاترۋلدىك پوليتسيا قىزمەتكەرلەرى قاشىپ بارا جاتقان قىلمىسكەرلەردى كوردى.
پاترۋلدىك پوليتسيا قىزمەتكەرى قاشىپ كەتكەن ادامدى وزەننىڭ تۇسىندا ۇستادى. ونى قۇرىقتاۋ كەزىندە ءتارتىپ ساقشىلارى ەسكەرتۋ رەتىندە اۋاعا وق اتۋعا ءماجبۇر بولدى. «قۇقىق قورعاۋ قىزمەتى تۋرالى» زاڭنىڭ 61-بابىنا سايكەس قارۋ قولدانۋ زاڭدى دەپ تانىلدى.
بۇرىن ۇرلىق جاساعانى ءۇشىن سوتتالعان 23 جاستاعى اۋىل تۇرعىنى قاماۋعا الىندى. توبەلەستەن زارداپ شەككەن ەر ادامدار اۋرۋحاناعا جەتكىزىلدى. كەيىننەن ولاردىڭ ءبىرى, 41 جاستاعى قارابالىق اۋدانىنىڭ تۇرعىنى وبلىستىق اۋرۋحانادا العان جاراقاتتارىنان قايتىس بولدى.
قازىرگى ۋاقىتتا قر قىلمىستىق كودەكسiنىڭ 106-بابىنا ساي «دەنساۋلىققا قاساقانا اۋىر زيان كەلتiرۋ» زاڭى بويىنشا تەرگەۋ باستالدى.
جەدەل-تەرگەۋ توبى وقيعا ورنىنا تەكسەرۋ جۇرگىزىپ, قىلمىستى كورگەن ادامداردان جاۋاپ الدى. توبەلەس اۋىل تۇرعىندارى اراسىنداعى جانجالدان تۋىنداعان. سوتقا دەيىنگى تەرگەپ-تەكسەرۋ شەڭبەرىندە بارلىق قاجەتتى ءىس-شارالار جۇرگىزىلىپ, ساراپتامالار جاسالدى.
ايانا توعانبەك
ەۋرازيا ۇلتتىق ۋنيۆەرسيتەتى, جۋرناليستيكا جانە ساياساتتانۋ فاكۋلتەتىنىڭ,
باسپا ءىسى ماماندىعىنىڭ 4-كۋرس ستۋدەنتى
