كەزدەسۋ بارىسىندا ەلشى قازاقستان ۇكىمەتىنىڭ ەلدەگى الەۋمەتتىك-ەكونوميكالىق جانە ساياسي جاعدايدى ودان ءارى دامىتۋ بويىنشا قابىلداپ جاتقان شارالارى تۋرالى حاباردار ەتتى.
ءىس-شارادا پرەزيدەنت قاسىم-جومارت توقاەۆتىڭ ەكونوميكالىق جانە دەموكراتيالىق رەفورمالار باعىتىن تۇسىندىرۋگە, سونداي-اق شەتەلدىك ينۆەستيتسيالاردى تارتۋعا جانە قازاقستاننىڭ حالىقارالىق مىندەتتەمەلەردىڭ مىزعىماستىعىنا ەرەكشە نازار اۋدارىلدى.
ءوز كەزەگىندە ارميان تاراپى قازاقستان باسشىلىعىنىڭ ساياساتىنا قولداۋ كورسەتىپ, قوس ەل اراسىنداعى ءوزارا ءتيىمدى قارىم-قاتىناستاردى ودان ءارى نىعايتۋعا نيەتتى ەكەن ايتتى. بۇل تۇرعىدا تاراپتار ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ ماسەلەلەرىن, سونداي-اق 2021 جىلعى 26 مامىرداعى ۇكىمەتارالىق كوميسسيانىڭ 8-ءشى وتىرىسىنىڭ حاتتاماسىن ورىنداۋ پروتسەسىن جانە 2022 جىلعا ارنالعان جۇمىس جوسپارىن تالقىلادى.
مينيستر 2021 جىلدىڭ قورىتىندىسى بويىنشا ەكىجاقتى تاۋار اينالىمى ءوسۋىنىڭ جوعارى ديناميكاسىنا توقتالىپ, ساۋدا-ەكونوميكالىق جانە ينۆەستيتسيالىق ىنتىماقتاستىقتى جانداندىرۋ قاجەتتىگى تۋرالى ايتتى.
تاراپتار ەكونوميكالىق كۇن تارتىبىندەگى كوپتەگەن ماسەلەلەر بويىنشا ەكى ەلدىڭ مۇددەلەرى سايكەس كەلەتىنىنە نازار اۋدارىپ, تاجىريبە الماسۋدىڭ, بيزنەس-بايلانىستاردى ودان ءارى جولعا قويۋدىڭ جانە جاڭا مۇمكىندىكتەر ىزدەۋدىڭ ماڭىزدىلىعىن اتاپ ءوتتى.
قازاقستان-ارمەنيا ەكونوميكالىق ىنتىماقتاستىعىن دامىتۋعا قوسقان زور ۇلەسى ءۇشىن ەلشى ب.يمانباەۆ ۆ.كەروبيانعا قازاقستان باسشىلىعىنىڭ اتىنان «قازاقستان تاۋەلسىزدىگىنە 30 جىل» مەدالىن تاپسىردى.
