«الماتى اكىمى ەربولات دوساەۆتىڭ وكىمىمەن قر پرەزيدەنتى اكىمشىلىگىنىڭ كەلىسىمىمەن الماتى قالاسى اكىمىنىڭ ورىنباسارى بولىپ اسەم بەكقىزى ءنۇسىپوۆا تاعايىندالدى», دەلىنگەن قالا اكىمدىگىنىڭ حابارلاماسىندا.
اسەم ءنۇسىپوۆا 1975 جىلى 1 مامىردا الماتى قالاسىندا دۇنيەگە كەلگەن. قازاق مەملەكەتتىك ۋنيۆەرسيتەتىنىڭ تۇلەگى. «ەكونوميكا جانە مەنەدجمەنت» ماماندىعى بويىنشا ماگيستراتۋرا مەن اسپيرانتۋرانى بىتىرگەن.
ەڭبەك جولىن 1999 جىلى ءال-فارابي اتىنداعى قازاق مەملەكەتتىك ۋنيۆەرسيتەتىندە اسسيستەنت قىزمەتىنەن باستادى. 2001 جىلى قازاقستان رەسپۋبليكاسى قاۋىپسىزدىك كەڭەسىنىڭ ەكونوميكالىق قاۋىپسىزدىك ماسەلەلەرى جونىندەگى ءبولىمىنىڭ باس ساراپشىسى بولىپ تاعايىندالدى, 2002-2003 جىلدار ارالىعىندا قازاقستان رەسپۋبليكاسى پرەزيدەنتى اكىمشىلىگىنىڭ جۇيەلى زەرتتەۋلەر ورتالىعى سەكتورىنىڭ مەڭگەرۋشىسى قىزمەتىن اتقاردى.
2003-2005 جىلدارى - قازاقستان رەسپۋبليكاسى قارجى ءمينيسترىنىڭ كەڭەسشىسى, (قوسا اتقارۋ بويىنشا) بىرىڭعاي ەكونوميكالىق كەڭىستىكتى قالىپتاستىرۋ جونىندەگى ەۋرازەق حاتشىلىعى جانىنداعى ۇيىمداستىرۋ-ساراپتاما توبىنىڭ كەڭەسشىسى, سونداي-اق 2005 جىلى قازاقستان رەسپۋبليكاسى پرەمەر-ءمينيسترىنىڭ كەڭەسشىسى, پرەمەر-مينيستر كەڭەسشىلەرى توبىنىڭ جەتەكشىسى بولدى.
2006 جىلى - قازاقستان رەسپۋبليكاسى پرەمەر-ءمينيسترى كەڭسەسىنىڭ جيىنتىق تالداۋ ءبولىمىنىڭ مەڭگەرۋشىسى بولعان.
2007 جىلدان باستاپ 2008 جىلعا دەيىنگى كەزەڭدە قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى لاۋازىمىن اتقارىپ, كەيىننەن 2016 جىلعا دەيىن «قازترانسويل» اق باس ديرەكتورىنىڭ ەكونوميكا جانە قارجى جونىندەگى ورىنباسارى بولدى.
2016-2019 جىلدار ارالىعىندا اسەم ءنۇسىپوۆا شىعىس قازاقستان وبلىسى اكىمىنىڭ ورىنباسارى بولدى. 2020 جىلى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ جاۋاپتى حاتشىسى لاۋازىمىندا, سوڭعى اتقارعان لاۋازىمى قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى (2020 جىلعى قازاننان 2022 جىلعى اقپانعا دەيىن).
