ءۇندىستان قازاقستانمەن ىنتىماقتاستىققا مۇددەلى

مەملەكەت باسشىسى نۇرسۇلتان نازارباەۆ ءۇندىستاننىڭ سىرتقى ىستەر ءمينيسترى سوماناحاللي ماللاياح كريشنانى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋدىڭ بارىسىندا ەكى ەلدىڭ اراسىنداعى ساۋدا-ەكونو­ميكالىق جانە مادەني-گۋماني­تارلىق ىنتىماقتاستىقتى ودان ءارى دامىتۋ ماسەلەسى تالقى­­لاندى. مينيستر قازاقستان پرەزي­دەنتى جۇرگىزىپ وتىرعان ساياساتقا جوعارى باعا بەردى, سونىڭ ءناتي­جەسىندە ەل ەكونومي­كاسى وتە قارقىندى دامۋدا. ول سونداي-اق نۇرسۇلتان نا­زار­­باەۆ­تىڭ قولعا الۋىمەن قازاق­ستاننىڭ ەلور­دا­سى – استانانىڭ سالىنۋى قارقىندى جۇرگىزىلۋىنە ءوز تاڭدانىسىن ءبىلدىردى. سوماناحاللي ماللاياح كريش­نا ءۇندىستان مەن قازاقستان اراسىندا وتە تىعىز دوستىق بايلانىستار قالىپتاس­قانىن اتاپ ءوتتى. بۇعان وتكەن جىلعى قاڭ­تارداعى قازاقستان پرەزيدەنتىنىڭ ۇندىستانعا مەملەكەتتىك ساپارى بارىسىندا ۇلتتىق مەرەكە – رەس­پۋبليكا كۇنىنە قۇرمەتتى قوناق رەتىندە قاتىسۋى ناقتى دالەل بولا الادى. – قازاقستان پرەزيدەنتىنىڭ ساپارى ەكى ەل اراسىنداعى قارىم-قاتىناستاردى ودان ءارى دامىتۋعا ايتارلىقتاي سەرپىن بەردى. ءبىزدىڭ ەلدەرىمىز اراسىنداعى ساياسي جانە ەكونوميكالىق بايلانىستار بەلسەندى دامۋدا. قازاقستان ءبىزدىڭ جاقىن كورشىمىز بولىپ تابىلادى. ەكى ەل اراسىنداعى ىنتىماق­تاستىقتى ودان ءارى نىعايتۋعا ەرەك­شە ءمان بەرەمىز. ەكونوميكا مەن الەۋمەتتىك سالانى قوسقاندا, بارلىق سالاداعى ءبىزدىڭ ىنتى­ماقتاستىعىمىزدى كەلەشەكتە ۇدەتۋگە “جول كارتاسىن” ازىرلەۋ نيەتىندەمىز. ءبىز بىرلەسە وتىرىپ وسى وڭىردەگى تۇراقتىلىقتى نى­عايتۋعا كومەكتەسە الامىز, – دەدى ءۇندىستاننىڭ سىرتقى ىستەر ءمينيسترى جۋرناليستەرگە ارنالعان بريفينگتە.