وقيعا 14 اقپاندا ساعات 19:00-دە پاۆلودار-قىزىلوردا تاسجولىندا بولعان.
مالىمەت بويىنشا, وقيعا كەزىندە اپاتتىڭ ەكىنشى قاتىسۋشىسى وقيعا ورنىنان عايىپ بولعان.
تەلەفون ارقىلى سۇحبات بەرگەن پاۆلودار وبلىسىنىڭ بۇرىنعى اكىمى بولات باقاۋوۆ جول اپاتىنا تۇسكەن Lexus LX 570 اۆتوكولىگىنىڭ تىزگىنىندە ءوزى وتىرماعان. ونىڭ سوزىنە قاراعاندا, كولىكتى جۇرگىزۋشى ايداعان, ءوزى ەشقاشان كولىك تىزگىنىن ۇستاماعان. قوزعالىس كەزىندە ەكىنشى Lexus بولات باقاۋوۆ مىنگەن كولىكتى باسىپ وزىپ, الدىندا كەلە جاتقان گازەلمەن سوقتىعىسقان.
«جول تالعامايتىن كولىك جۇرگىزۋشىسى وقيعا ورنىنان قاشىپ كەتتى. ارينە, بۇل دۇرىس ەمەس. ەسىكتى ازەر اشتىق, ورتەنۋىمىز دە مۇمكىن ەدى. مەنىڭ جۇرگىزۋشىم جولشىباي وتكەن ماشيناعا ءمىنىپ Lexus جۇرگىزۋشىسىن قۋىپ جەتپەك بولدى. بىراق ۇستاي المادى», دەيدى بولات باقاۋوۆ.
ەكس-اكىمنىڭ ايتۋىنشا, ارتىنشا قاشىپ كەتكەن Lexus LX 470 جۇرگىزۋشىسى وتباسىمەن بىرگە كەلە جاتقاندىقتان شوشىپ كەتكەنىن, كەيىن تاسجولداعى ءبىر جاقتى قوزعالىس سەبەبىنەن وقيعا ورنىنا كەرى بۇرىلىپ كەلە الماعانىن ايتقان. شىدەرتىگە جەتكەندە عانا وقيعا ورنىنا قايتا ورالعان.
«ەڭ باستىسى, ءبارىمىز امانبىز. بۇل قۋاناتىن جاعداي», دەدى بولات باقاۋوۆ.
ال 2020 جىلى سوتتالىپ, شارتتى تۇردە بوستاندىقتا جۇرگەن ەكس-اكىم وبلىس ءىشى مەن سىرتىندا ەمىن-ەركىن جۇرۋىنە قاتىستى ساۋالعا جاۋاپ بەردى. ول زاڭ بويىنشا قازاقستان اۋماعىندا جۇرە الاتىنىن, تەك الدىن الا قۇزىرلى ورگاندارعا ەسكەرتۋى كەرەكتىگىن ايتتى.
ايتا كەتەيىك, ءۇش اۆتوكولىك قاتىسقان جكو 14 اقپاندا ساعات 19:00-دە پاۆلودار-قىزىلوردا تراسساسىنىڭ 159-شاقىرىمىندا بايەت اۋىلىنىڭ ماڭىندا بولدى. پوليتسيا وكىلدەرىنىڭ مالىمەتىنشە, جۇك كولىگى مەديتسينالىق كومەككە جۇگىنگەن. اتالعان فاكت بويىنشا پوليتسيا تەكسەرۋ جۇرگىزىپ جاتىر.
