يسپانيانىڭ يۋنەسكو قامقورلىعىنداعى ەڭ كونە ەكى قالاسى – باەسا مەن ۋبەدا ارالىعىن جالعاعان 188 شاقىرىم قاشىقتىقتا قازاقستان چەمپيونى الەكسەي لۋتسەنكو الدىنا جان سالمادى. Lotto Soudal كومانداسىنىڭ بەلگيالىق وكىلى تيم ۆەللەنس مارە سىزىعىن ەكىنشى بولىپ قيىپ وتسە, تاعى ءبىر بەلگيالىق ۆەلوشاباندوز لويك ۆليگەن (Intermarché – WantyGobert Matériaux) ءۇشىنشى ساتىعا تابان تىرەدى.
ءبىر كۇندىك جارىستا لۋتسەنكونىڭ جەڭىسكە جەتۋىنە Astana Qazaqstan Team ۆەلوكومانداسىنىڭ وكىلدەرى – نۇربەرگەن نۇرلىقاسىم, دميتري گرۋزدەۆ, يۋري ناتاروۆ, ەۆگەني فەدوروۆ ء(بارى دە – قازاقستان), ميگەل انحەل لوپەس (كولۋمبيا) جانە داۆيدە مارتينەللي (يتاليا) كومەكتەستى.
ايتا كەتەيىك, ا.لۋتسەنكو وسى ناتيجەسىنىڭ ارقاسىندا جاڭارعان Astana Qazaqstan Team ۆەلوكومانداسىنىڭ حالىقارالىق جارىستارداعى العاشقى جەڭىسىن تىركەدى.
