كوروناۆيرۋس • 15 اقپان، 2022

شقو-دا كارانتيندىك شەكتەۋلەر جەڭىلدەتىلەدى

112 رەت كورسەتىلدى

10 اقپاننان باستاپ شىعىس قازاقستان وبلىسى «سارى» ايماققا ءوتتى. وڭىردەگى ەپيدەميولوگيالىق جاعدايدىڭ جاقسارۋىنا بايلانىستى 17 اقپاننان باستاپ شەكتەۋ شارالارى جەڭىلدەتىلەتىن بولادى، دەپ حابارلايدى Egemen.kz شقو اقپاراتتىق ورتالىعىنا سىلتەمە جاساپ.

پاندەميا باستالعاننان بەرى ايماقتا كوروناۆيرۋستىڭ 59 مىڭعا جۋىق دەرەگى تىركەلدى. 14 اقپاندا ءبىر كۇن ىشىندە 33 ادامنان ۆيرۋس انىقتالدى. شىعىس قازاقستان اۋماعىنداعى شەكتەۋ شارالارى 14-27 اقپان ارالىعىندا ۇزارتىلدى.

وسى اپتانىڭ باسىنان باستاپ ءبىلىم بەرۋ وبەكتىلەرىندە شتاتتىق فورماتتا وقىتۋعا رۇقسات ەتىلدى. قاشىقتىقتان وقىتۋ فورماتىنا كوشۋ كارانتين رەجيمىن بۇزۋ انىقتالعان كەزدە قولدانىلاتىن بولادى.

2022 جىلدىڭ باسىنان باستاپ مەكتەپ وقۋشىلارى اراسىندا 660 كوروناۆيرۋس اۋرۋى تىركەلىپ، 36 سىنىپ كارانتينگە جابىلدى.

شقو باس مەملەكەتتىك سانيتارلىق دارىگەرىنىڭ شىعارىلعان قاۋلىسى ASHYQ جوباسىنا قاتىسپايتىن وبەكتىلەر ءۇشىن بىرقاتار وزگەرىستەردى بەلگىلەدى. قوعامدىق تاماقتانۋ وبەكتىلەرىنە ساعات 7.00-دەن 24.00-گە دەيىن 50 پايىزدان اسپايتىن، بىراق 50 ورىننان اسپايتىن مەيرامحانالار مەن ءدامحانالار ءتيپى بويىنشا جۇمىس ىستەۋگە رۇقسات ەتىلەدى. قوعامدىق تاماقتاندىرۋ وبەكتىلەرى الكوگولدىك ىشىمدىكتەردى ساتپاي، اسحانالار ءتيپى بويىنشا تاۋلىك بويى جۇمىس رەجيمىنە اۋىسادى.

ءدىني بىرلەستىكتەردىڭ وبەكتىلەرىندە 30 پايىزعا دەيىن، بىراق ءجۇز ادامنان اسپايتىن ۇجىمدىق قۇلشىلىق ەتۋگە رۇقسات ەتىلگەن.

ال بۇقارالىق سپورتتىق ءىس-شارالار، اشىق اۋاداعى مارافوندار 15 پايىزدان ارتىق ەمەس تولعان كەزدە رۇقسات ەتىلەدى.

جۇمىس بەرۋشىلەرگە ۆاكتسيناتسيا جۇرگىزىلۋىنە قاراماستان قىزمەتكەرلەردىڭ 50 پايىزىن قاشىقتان جۇمىس رەجيمىنە كوشىرۋ ۇسىنىلادى. ءبىرىنشى كەزەكتە قاشىقتىقتان جۇمىس ىستەۋ فورماتىنا COVID-19-عا قارسى ۆاكتسيناتسيالانباعان جۇمىسكەرلەر جانە سوڭعى التى اي ىشىندە COVID-19-مەن اۋىرماعان جۇمىسكەرلەر اۋىستىرىلادى.

سوڭعى جاڭالىقتار

ۇقساس جاڭالىقتار