ۇەم باسشىسىنىڭ ايتۋىنشا, مۇددەلى مەملەكەتتىك ورگاندارمەن بىرلەسىپ, 2022-2024 جىلدارعا ارنالعان ينفلياتسيانى باقىلاۋ جانە تومەندەتۋ بويىنشا شارالار كەشەنى ازىرلەندى. جوسپار ءونىم ءوندىرۋ كولەمىن ۇلعايتۋعا, ساقتاۋ مەن لوگيستيكاعا, بولشەك ساۋداعا, باعا بەلگىلەۋدى باقىلاۋعا, مونوپولياعا قارسى جانە سىرتقى ساۋدا رەتتەۋىنە باعىتتالعان جەدەل جانە ورتا مەرزىمدى سيپاتتاعى 61 ءىس-شارادان تۇرادى.
«ينفلياتسيانى باقىلاۋ جانە تومەندەتۋ جونىندەگى شارالار كەشەنىن ىسكە اسىرۋدىڭ ماقساتى - ينفلياتسيانى 2022 جىلى 4-6% دالىزىندە ۇستاپ تۇرۋ جانە ونى 2025 جىلعا قاراي 3-4% دەڭگەيگە دەيىن تومەندەتۋ. اتالعان ءىس-شارالار ازىق-ت ۇلىك قاۋىپسىزدىگىن قامتاماسىز ەتۋ جوسپارىن قابىلداۋدى, تۇراقتاندىرۋ قورلارىنىڭ جۇكتەمەسىن قامتاماسىز ەتۋدى, الەۋمەتتىك ماڭىزى بار ازىق-ت ۇلىك تاۋارلارىن وتكىزۋشىلەر ءۇشىن جالداۋ اقىسىن تومەندەتۋدى, ازىق-ت ۇلىك, جانار-جاعارماي, كومىر, ەلەكتر ەنەرگياسى, دارىلىك پرەپاراتتار باعاسىنىڭ ءوسۋىن تەجەۋدى قامتيدى», دەپ ءتۇسىندىردى ۇلتتىق ەكونوميكا ءمينيسترى.
