بيىل قالادا جاستار ءۇشىن 8 كوشپەلى بوس جۇمىس ورىندار جارمەڭكەسى وتەدى. 2021 جىلى 4 جارمەڭكە ۇيىمداستىرىلىپ, جۇمىسسىز جاستار بوس جۇمىس ورىندارىنا جولدانعان بولاتىن.
م.شوتانوۆ قالاداعى جۇمىس ىستەۋگە جانە ءبىلىم الۋعا قىزىعۋى تومەن جاستار ءۇشىن ءموبيلدى توپ قۇرىلعانىن ايتتى. وتكەن جىلى ارنايى توپ وكىلدەرى ەلدى مەكەندەردى ارالاپ, 10 مىڭ جاسپەن كەزدەسسە, بيىل 15 مىڭ جاسقا ءتۇسىندىرۋ جۇمىسىن جۇرگىزۋ جوسپارلانعان.
سونىمەن قاتار, وسى جىلى جۇمىسپەن قامتۋ جانە الەۋمەتتىك قورعاۋ باسقارماسىمەن بىرلەسە 18 مىڭ جاستى جۇمىسپەن قامتۋ كوزدەلىپ وتىر.
«جاسىل ەل» ماۋسىمدىق ەڭبەك جاساقتارى جوباسىمەن بيىل شىلدە-قىركۇيەك ارالىعىندا 1 313 جاس ۋاقىتشا جۇمىسپەن قامتىلادى. ايتا كەتسەك, 2021 جىلى وسى جوبامەن 1 213 جاس جۇمىسقا باعىتتالعان.
