«ەسىل وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى بالىق شارۋاشىلىعى سۋ ايدىندارىنا مونيتورينگ جۇرگىزۋ بارىسىندا ەسىل وزەنىندە بالىقتىڭ جاپپاي قىرىلۋىن بولدىرماۋ بويىنشا جۇمىس جۇرگىزدى. مۇز استىندا ولگەن بالىق جينالىپ, زەرتحانالىق زەرتتەۋگە جىبەرىلدى», دەلىنگەن كوميتەت ءباسپاسوز قىزمەتىنىڭ حابارلاماسىندا.
بولجام بويىنشا, بالىق مۇز استىندا وتتەگىنىڭ بولماۋى سەبەبىنەن قىرىلۋى بولۋى مۇمكىن.
«اقمولا وبلىسى استراحان اۋدانى نوۆوچەركاسسكوە اۋىلىنىڭ ماڭىندا ەسىل وزەنىندە 85 كگ ءولى بالىق جينالدى. قر اشم ۆەتەرينارلىق باقىلاۋ جانە قاداعالاۋ كوميتەتىنىڭ اقمولا وبلىستىق اۋماقتىق ينسپەكتسياسىنىڭ وكىلدەرىمەن بىرلەسىپ بايقاۋ جۇمىستارى جۇرگىزىلۋدە. قالعان بالىق سانيتارلىق نورمالاردى ساقتاي وتىرىپ جويىلدى», دەپ قوستى ۆەدومستۆو.
سونداي-اق ەكولوگيا مينيسترلىگى وزەن سۋىن ءماجبۇرلى اەراتسيالاۋ ءۇشىن ەكى موتوپومپا ورناتىلعانىن حابارلادى, بۇل ءوز كەزەگىندە مۇز استىنداعى سۋدى وتتەگىمەن قامتاماسىز ەتۋ ءۇشىن ۇلكەن ىنتالاندىرۋ بولماق. سۋ قويماسىنىڭ جاي-كۇيىن باقىلاۋ جالعاسۋدا.
ايتا كەتسەك, ەسىل وزەنى بالىق شارۋاشىلىعى سۋ ايدىندارىنىڭ رەزەرۆتىك قورىنا كىرەدى.
