ءبىلىم بەرۋ باعىتىنداعى ىقپالداستىق

كەشە پرەمەر-مينيستر كارىم ءماسىموۆ ء“ىۆم Power Systems” كومپانياسىنىڭ باس ديرەكتورى روسس ماۋريمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ بارىسىندا كومپانيانىڭ قازاقستانداعى جۇمىسىنىڭ اعىمداعى جاعدايى مەن پەرسپەكتيۆالارى تالقىلاندى. ر.ماۋري عىلىمي-اعارتۋشىلىق باعدارلامالاردى بىرلەسە جۇزەگە اسىرۋدى كوزدەيتىن ء“ىۆم Power Systems” كومپانياسىنىڭ جوسپارلارى, سونداي-اق قازاقستاندىق مامانداردى اقپاراتتىق تەحنولوگيالار سالاسىندا وقىتۋ جايىندا حابارلادى. ول كومپانيانىڭ استانادا ء“Lىnux” وپەراتسيالىق جۇيەسىنىڭ يننوۆاتسيالىق ءبىلىم بەرۋ ورتالىعىن اشۋعا جانە قازاقستانعا كومپانيانىڭ ءوزى ل.گۋميلەۆ اتىنداعى ەۇۋ, اباي اتىنداعى قازۇپۋ, سونداي-اق حالىقارالىق ءىت-ۋنيۆەرسيتەتىندە جۇزەگە اسىرۋدى جوسپارلاپ وتىرعان ءبىلىم بەرۋ ۇدەرىسى مەن عىلىمي زەرتتەۋلەر ماقساتىندا پايدالانۋ ءۇشىن سۋپەركومپيۋتەرلەر جەتكىزىپ بەرۋگە دايىن ەكەنىن اتاپ كورسەتتى. تاراپتار ءوزارا قىزمەتتەستىكتى ودان ءارى ءتيىمدى دامىتۋ ءۇشىن ۇلكەن الەۋەتتىڭ بار ەكەنىن, سول سياقتى ەكونوميكانىڭ ءتۇرلى سەكتورلارىندا اقپاراتتىق جوبالاردى بىرلەسىپ جۇزەگە اسىرۋعا ەكى جاقتىڭ دا مۇددەلى ەكەنىنە نازار اۋداردى.