بۇل تۋرالى اتالمىش ەلدىڭ وسك توراعاسىنىڭ كومەكشىسى بەزيرگەن كاراەۆ اقپارات تاراتتى.
بۇعان دەيىن پارلامەنتتىڭ جوعارعى پالاتاسىنىڭ كەزەكتەن تىس وتىرىسىندا تۇركىمەنستان پرەزيدەنتى گۋربانگۋلى بەردىمۇحامەدوۆ جاس باسشىلارعا جول بەرۋ كەرەك ەكەنىن تىلىنە تيەك ەتكەن بولاتىن. تۇركىمەنستانداعى باق-تار «وسىعان بايلانىستى سايلاۋ مەن رەفەرەندۋمداردى وتكىزۋ جونىندەگى ورتالىق كوميسسيانىڭ توراعاسىنا تۇركىمەنستاننىڭ كونستيتۋتسياسى مەن زاڭناماسىنا سايكەس ءتيىستى جۇمىستى باستاۋ تاپسىرىلدى» دەگەندى العا تارتىپ وتىر. تۇركىمەنستاندا سوڭعى رەت پرەزيدەنت سايلاۋى 2017 جىلى وتكەن بولاتىن.
