ءوزارا مۇددەلەستىك تانىتىلدى

12 مامىردا استانادا قازاقستان  رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ءوزىنىڭ ارىپتەسى – ءۇندىستاننىڭ سىرتقى ىستەر ءمينيسترى سوماناحاللي ماللاياح كريشنامەن كەزدەستى, دەپ حابارلادى قر ءسىم-ءىنىڭ ءباسپاسوز قىزمەتى. كەزدەسۋ اياسىندا تاراپتار ەكى جاقتى قارىم-قاتىناستىڭ اعىم­داعى جاعدايىن, قازاقستان-ءۇن­دىستان ستراتەگيالىق ارىپتەستى­گى­نىڭ دامۋ پەرسپەكتيۆالارى مەن قازاقستان رەسپۋبليكاسىنىڭ پرەزيدەنتى نۇرسۇلتان نازار­باەۆ­تىڭ وتكەن جىلدىڭ قاڭتار ايىندا ۇندىستانعا رەسمي ساپارى بارىسىندا قول جەتكىزىلگەن ۋاع­دالاستىقتاردىڭ جۇزەگە اسىرىلۋ جايىن تالقىلادى. ساۋدا-ەكونوميكالىق ىنتى­ماق­تاستىق ماسەلەلەرىن ءسوز ەتكەن ەكى ەل سىرتقى ساياسات ۆەدوم­ستۆو­لارىنىڭ باسشىلارى بۇگىنگى ەكو­نوميكالىق بايلانىستار قازاق­ستان مەن ءۇندىستان يە زور الەۋەت­كە سايكەسپەيتىنىن اتاپ ءوتتى. وسىعان وراي ق.ساۋداباەۆ ءارىپ­تەسىن ەلىمىزدىڭ يندۋستريالىق-يننوۆاتسيالىق دامۋ باعدارلا­ما­سىمەن تانىستىرىپ, ءۇندىستاننىڭ اتالعان باعدارلامانى جۇزەگە اسىرۋعا قاتىسۋىنا قىزىعۋشى­لىق تانىتتى. سۇحباتتاستار سونداي-اق وڭىرلىك حالىقارالىق ۇيىمدار شەڭبەرىندەگى ءوزارا ءىس-قيمىل دەڭگەيىنە قاناعاتتانا­تىن­دىقتارىن ءبىلدىردى. كەڭەيتىلگەن قۇرامداعى كەلىس­سوز كەزىندە ەكى جاقتى ساياسي, ەكو­نوميكالىق جانە گۋمانيتارلىق سالالارداعى ىنتىماقتاستىق ءما­سەلەلەرى تالقىلاندى. قورىتىن­دى­سىندا قازاقستان رەسپۋبلي­كا­سى ۇكىمەتى مەن ءۇندىستان رەس­پۋب­ليكاسى ۇكىمەتىنىڭ اراسىنداعى مادەنيەت, ونەر, باق جانە سپورت سالالارىنداعى ىنتىماقتاستىق تۋرالى كەلىسىمگە قول قويىلدى.