سارىارقا اۋدانىنىڭ اكىمى بولىپ پرەزيدەنتتىك جاستار كادرلىق رەزەرۆىنىڭ مۇشەسى ءجۇسىپ جۇماعۇلوۆ تاعايىندالدى.
ەڭبەك جولىن ەلوردانىڭ ينۆەستيتسيالار جانە دامۋ باسقارماسىنىڭ مامانىنان باستاعان.
2016-2019 جىلدارى ء«دىن پروبلەمالارىن زەرتتەۋ ورتالىعى» كمم باسشىسىنىڭ ورىنباسارى, ەلوردانىڭ قوعامدىق دامۋ ىستەرى باسقارماسى باسشىسىنىڭ ورىنباسارى قىزمەتتەرىن اتقاردى. تاعايىندالعانعا دەيىن 2020 جىلدان باستاپ نۇر-سۇلتان قالاسى اكىمى اپپاراتى باسشىسىنىڭ ورىنباسارى قىزمەتىن اتقاردى.
ەسىل اۋدانىنىڭ اكىمى بولىپ اسىلبەك ەسەنباەۆ تاعايىندالدى.
ول ءوز ەڭبەك جولىن 2001 جىلى باستاعان. ءار جىلدارى ەلوردا اكىمدىگىندە, قر پرەزيدەنتىنىڭ اكىمشىلىگىندە, قر پرەمەر-ءمينيسترىنىڭ كەڭسەسىندە قىزمەت اتقارعان.
2019 جىلدان 2021 جىلدىڭ ناۋرىز ايىنا دەيىن نۇر-سۇلتان قالاسىنىڭ قۇرىلىس, تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ باسشىسى قىزمەتىن اتقاردى.
2021 جىلدىڭ ءساۋىر ايىنان باستاپ - «رۋحاني جاڭعىرۋ» كيور» كەاق باسقارما توراعاسى بولعان.
«مەملەكەت باسشىسىنىڭ تاپسىرماسى اياسىندا اۋدان اكىمدەرىنىڭ الدىنا اۋداندار مەن تۇرعىن ءۇي الاپتارىن دامىتۋ بويىنشا بىرقاتار مىندەتتەر قويىلدى», دەپ حابارلادى اكىمدىك.
ەسكە سالا كەتسەك, سارىارقا اۋدانىنىڭ بۇرىنعى اكىمى ەسەت بايكەن مەن ەسىل اۋدانىنىڭ بۇرىنعى اكىمى بەرىك جاكەنوۆ ەلوردا اكىمىنىڭ ورىنباسارلارى بولىپ تاعايىندالدى.
