«وسىناۋ قيىن كەزەڭدە مەملەكەت باسشىسى بار جاۋاپكەرشىلىكتى ءوز موينىنا الىپ, ەلىمىز, حالقىمىز ءۇشىن اسا ماڭىزدى شەشىمدەر قابىلدادى. پرەزيدەنتىمىز ناقتى تاپسىرمالار بەرىپ, قازاقستاننىڭ ەندىگى دامۋ باعىتىن انىقتاپ بەردى.
ءبىزدىڭ ەندىگى ماقساتىمىز – الداعى ۋاقىتتا ءبىز مۇنداي جاعدايدىڭ ورىن الۋىنا ەشقاشان جول بەرمەۋىمىز قاجەت. ول ءۇشىن ءاربىر قادامىمىزدى پاراساتتىلىقپەن, اقىلعا سالىپ, سابىرمەن ساراپتاپ جاساۋىمىز كەرەك. ەڭ باستىسى – اۋىزبىرشىلىگىمىزدى سارى التىنداي ساقتاي الساق, قانداي سىناق بولسا دا قايىسپاي ءبىرتۇتاس ەل بولىپ ەڭسەرە الامىز», دەدى سەناتور.
سونداي-اق ول 8 اقپاندا قاسىم-جومارت توقاەۆتىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا ەلىمىز ءۇشىن وتە ماڭىزدى بىرنەشە ماسەلەلەر اتالعانىن ايتتى.
«ەلىمىزدىڭ الەۋمەتتىك-ەكونوميكالىق جانە قوعامدىق-ساياسي جاعدايدى تۇراقتاندىرۋ ماقساتىندا پرەزيدەنتىمىزبەن جىل باسىنان ۇكىمەتكە 108 تاپسىرما بەرىلگەن, ولاردىڭ بۇگىنگى تاڭدا 44-ءى ورىندالعانىن ۇكىمەت باسشىسى اتاپ ءوتتى. ۋتيليزاتسيالىق الىم مولشەرىنە قاتىستى تۇرعىندار اراسىندا شاعىمدار كوپتەپ تۇسەدى, ءىس جۇزىندە اۋىلشارۋاشىلىعى ەڭبەككەرلەرىنە قوسىمشا سالىققا اينالعانى, اۋىلشارۋاشىلىعى تاۋارلارىن وندىرۋشىلەرگە قوسىمشا قارجى جۇكتەمەسى ەكەندىگى سەنات قابىرعاسىندا ايتىلىپ تا كەلەدى. ۋتيليزاتسيالىق الىم مولشەرىن تومەندەتۋ ماسەلەسىن قاراستىرۋدا ەڭ باستىسى – تۇتىنۋشىلار ءۇشىن اۆتوموبيلدەر مەن اۋىل شارۋاشىلىعى تەحنيكاسىنىڭ قولجەتىمدىلىگىن ارتتىرۋ ەكەندىگىن ايتتى. بۇل ءوز كەزەگىندە اۋىل شارۋاشىلىعى تەحنيكاسى بازاسىنىڭ جاڭارۋىنا ءوزىنىڭ وڭ سەپتىگىن تيگىزەدى دەپ ويلايمىن», دەدى ول.
ونىڭ ويىنشا, ءبىر ادامنىڭ قانشا جەرگە يەلىك ەتە الاتىنىن نورماتيۆپەن بەكىتۋ - ەكونوميكاداعى ينۆەستيتسيانىڭ ۇلەسىن ارتتىرىپ, اۋىلشارۋاشىلىعى سالاسىنىڭ ودان ءارى دامۋىنا وڭ اسەرىن بەرەدى.
«تسيفرلىق ماينينگتىڭ رولىنە قاتىستى دا الەۋمەتتىك-ەكونوميكالىق تيىمدىلىگى ماردىمسىز ەكەنىن, جاپپاي جۇمىس ورىندارى اشىلىپ جاتپاعانىن, شىعارىپ جاتقان ماتەريالدىق ءونىمى دە جوق ەكەندىگىن, وعان قوسا بۇل سالا بىرنەشە وبلىستىڭ تۇتىناتىن ەنەرگياسىن تۇتىناتىنىن دا اتاپ ءوتتى. ولارعا قاتىستى تاريفتەر مەن سالىق سالۋ ماسەلەسىن قاراستىرۋدى دا تاپسىردى», دەدى دەپۋتات.
سونىمەن قاتار ماڭعىستاۋ وبلىسىنداعى احۋال دا پرەزيدەنتتىڭ نازارىنان تىس قالماعانىن تىلگە تيەك ەتتى.
ء«وڭىردى دامىتۋعا قاتىستى كەشەندى جوسپار قابىلدانىپ, قوماقتى قارجى دا بولىنۋدە. وسى جاعدايدا كاسىپوداقتىڭ جۇمىسىن جەتىلدىرۋگە قاتىستى شارالار دا قابىلدانۋى ءتيىس دەپ ەسەپتەيمىن. قىزمەتكەرلەردىڭ قۇقىقتارى مەن مۇددەلەرىن جارعىلىق تاپسىرمالارعا سۇيەنە وتىرىپ ۇسىناتىن جانە قورعايتىن قوعامدىق بىرلەستىك رەتىندەگى كاسىپوداقتاردىڭ ءرولىن كۇشەيتۋ – زامان تالابى بولىپ وتىر, ءبىر سوزبەن ايتقاندا جۇمىس بەرۋشى مەن قىزمەتكەردىڭ اراسىنداعى التىن كوپىرگە اينالۋى ءتيىس. قازىرگى جاعدايدا ەڭبەك داۋلارىن ۋاقىتىلى جانە وبەكتيۆتى شەشۋ ەرەكشە ماڭىزعا يە. الداعى ۋاقىتتا ەڭبەك داۋلارىن قاراۋدىڭ تەتىكتەرىن ودان ءارى وڭتايلاندىرۋعا, ەڭبەك داۋلارىن قاراۋ مەن شەشۋ مەحانيزمدەرىنىڭ ءتيىمدى جۇيەسىن قۇرۋعا, ەڭبەك داۋلارى بويىنشا شەشىمدەردىڭ ءادىل ءارى دۇرىس قابىلدانۋىنا جۇمىس جاساۋىمىز كەرەك», دەدى سۇلتان دۇيسەمبينوۆ.
