قوعام • 09 اقپان، 2022

قازاقستاندا قۇقىق قورعاۋ قىزمەتىنە قابىلداۋ تالابى كۇشەيتىلەدى

48 رەت كورسەتىلدى

ءماجىلىستىڭ جالپى وتىرىسىندا باس پروكۋروردىڭ ورىنباسارى اسەت شىنداليەۆ قۇقىق قورعاۋ قىزمەتىن جەتىلدىرۋ بويىنشا زاڭ جوباسىن تانىستىردى، دەپ جازادى Egemen.kz.

«بارلىق ورگان ءۇشىن كادرلىق پروتسەستى، قىزمەتكەرلەرگە قويىلاتىن تالاپتاردى بىردەي ەتۋ كەرەك. ونىڭ ىشىندە قىزمەتكەرلەردى كوتەرمەلەۋ، جازا قولدانۋ، اتاق-شەندەر بەرۋ، ارنايى ورگانداردان اۋىسۋ، اتتەستاتسيالاۋ جانە جۇمىسىن باعالاۋ ماسەلەلەرى. وسىلاردى رەتتەۋ ماقساتىندا زاڭ جوباسى ازىرلەندى»، دەدى باس پروكۋروردىڭ ورىنباسارى.

باس پروكۋروردىڭ ورىنباسارى اسەت شىنداليەۆ ۇسىنىلعان زاڭ جوباسىندا قۇقىق قورعاۋ قىزمەتىنە قابىلدانۋ تالابى كۇشەيتىلەتىنىن ايتتى.

ء«بىرىنشى ماسەلە – قىزمەتكە قابىلداۋ ءتارتىبىن وڭتايلاندىرۋ. 2019 جىلى دەپۋتاتتاردىڭ قولداۋىمەن زاڭعا تۇزەتۋلەر جاسالىپ، تومەنگى لاۋازىمدارعا كادرلار دايىنداۋدىڭ جاڭا ءتارتىبى ەنگىزىلدى. قازىر تومەنگى قىزمەتتەرگە الۋ ءۇشىن جاس ماماندار مىندەتتى تۇردە قۇقىق قورعاۋ اكادەميالارىن ءبىتىرۋى ءتيىس. ال ەندى ورتا جانە جوعارى لاۋازىمدارعا قۇقىق قورعاۋ جانە ارنايى ورگانداردا، مەملەكەتتىك جانە اسكەري قىزمەتتە بۇرىن بولعاندار، سۋديالار قابىلدانادى. ولار كونكۋرس ارقىلى جانە كونكۋرستان تىس تارتىپتە قىزمەتكە الىنادى»، دەدى اسەت شىنداليەۆ.

كونكۋرس ارقىلى نەگىزىنەن اعا باسشىسى قۇرامدارعا جەتكىلىكتى تاجىريبەسى بار ادامدار تاعايىندالادى. ولاردى تاعىلىمدامادان وتكىزۋدىڭ قاجەتى از. سول سەبەپتى زاڭ جوباسى كونكۋرس بويىنشا تاعايىندالعان كانديداتتار ءۇشىن تاعىلىمدامانى الىپ تاستاۋدى ۇسىنادى. ال ارنايى تەكسەرۋدەن كونكۋرستان سوڭ وتەدى. بۇل تۇزەتۋلەر قىزمەتكە قابىلداۋ پروتسەسىن تەزدەتۋ، قاجەت مامانداردى جۇمىسقا الۋدى جىلدامداتۋعا مۇمكىندىك بەرەدى.

«قازىر كونكۋرستان تىس وبلىستىق قۇقىق قورعاۋ ورگاندارىنىڭ باستىقتارى قابىلداسا، ەندى تەك ورتالىق ورگان باسشىسى عانا قابىلدايدى. قابىلداۋ تالاپتارى دا كۇشەيتىلەدى. ەندى قىزمەتكە الۋ ءۇشىن 3 جىل ستاج كەرەك بولادى. ال اسكەردە قاتارداعى سولدات بولعاندار جالپى نەگىزدە قابىلدانادى. كۇشتىك ورگاندارعا جۇمىس ىستەپ جۇرگەن قىزمەتكەرلەر قۇقىق قورعاۋ سالاسىنا اۋىسۋ ارقىلى قابىلدانادى»، دەدى ول. 

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار