9 مامىر كۇنى ماسكەۋ قالاسىنداعى قىزىل الاڭدا ۇلى جەڭىستىڭ 65 جىلدىعىنا ارنالعان سالتاناتتى شەرۋگە پولكوۆنيك قايدار قاراقۇلوۆتىڭ جەتەكشىلىگىمەن قازاقستان رەسپۋبليكاسى قورعانىس مينيسترلىگىنىڭ 70 ساربازى مەن 5 وفيتسەرىنەن تۇراتىن قۇرمەت روتاسى قاراۋىلىنىڭ جەكە قۇرامى قاتىسقانى بەلگىلى.
كەشە وسى وقيعاعا بايلانىستى استانا قالاسىنىڭ ىرگەسىندە ورىن تەپكەن №68665 اسكەري بولىمىندە قىزىل الاڭدا اتالارىنىڭ ءجۇرىپ وتكەن جولىمەن ەلىمىزدىڭ قارۋلى كۇشتەرىنىڭ اتىنان سالتاناتتى شەرۋگە قاتىسقان ساربازدارمەن كەزدەسۋ ءوتتى.
كەزدەسۋدە قۇرمەت روتاسى قاراۋىلىنىڭ قۇرامى ماسكەۋدە وتكەن پارادتان العان اسەرلەرىمەن وعان قاتىسۋعا جۇرگىزىلگەن دايىندىق جۇمىستارى جونىندە كەڭىرەك اڭگىمەلەدى. مۇندا قۇرمەت روتاسى قاراۋىلىنىڭ تاربيە جانە الەۋمەتتىك-قۇقىقتىق جۇمىس جونىندەگى كومانديرىنىڭ ورىنباسارى, اعا لەيتەنانت سۇلتان ۇمبەتاليەۆ, قىزىل الاڭدا ەلىمىزدىڭ قارۋلى كۇشتەرى اتىنان جەڭىس تۋىن كوتەرگەن كىشى سەرجانت ماديار الكەنوۆ, ونىڭ كومەكشىلەرى اسحات راقىمجانوۆ پەن تەمىرلان ادەتباەۆ سالتاناتتى شەرۋدەن العان اسەرلەرى, وندا قازاقستان ساربازدارىنىڭ شەتەلدىكتەر تاراپىنان جوعارى باعاعا يە بولعاندارى جونىندەگى ويلارىمەن ءبولىستى.
– ءبىز اسكەري پارادقا قاتىسۋ ءۇشىن ماسكەۋگە 30 ءساۋىر كۇنى تاڭەرتەڭ كەلدىك, – دەدى اعا لەيتەنانت س.ۇمبەتاليەۆ. – ءبىزدى رەسەيلىكتەر جاقسى قارسى الىپ, ماسكەۋ وبلىسىنىڭ اسكەري ساناتوريىنە ورنالاستىردى. شەرۋدە ساربازدار جاقسى قىرىنان كورىندى. ءبىزدىڭ اسكەريلەردىڭ سالتاناتتى ساپتا اسقاق كورىنگەنىن رەسەيلىكتەر داۋىستاپ “قازاقتار, جارايسىڭدار!” دەپ ريزاشىلىعىن بىلدىرسە, ۇلىبريتانيا, اقش, پولشا مەن فرانتسيانىڭ وكىلدەرى ءبىزدىڭ كوزىمىزشە ساربازداردىڭ ساپتاعى شەرۋىن باس بارماقتارىمەن باعالادى. سونىمەن بىرگە ونىڭ ايتۋىنشا, ساربازدار جەڭىس كۇنى قارساڭىندا كرەمل, الەمدە تەڭدەسى جوق اسكەري تەحنيكا جانە باسقا دا قارۋلى كۇشتەردىڭ 300-دەن اسا ەكسپوناتى قويىلعان بروندى تانكىلىك مۇراجايى مەن ماسكەۋ تسيركىن تاماشالاۋ مۇمكىندىگىنە يە بولدى.
داستان كەنجالين.
كەشە وسى وقيعاعا بايلانىستى استانا قالاسىنىڭ ىرگەسىندە ورىن تەپكەن №68665 اسكەري بولىمىندە قىزىل الاڭدا اتالارىنىڭ ءجۇرىپ وتكەن جولىمەن ەلىمىزدىڭ قارۋلى كۇشتەرىنىڭ اتىنان سالتاناتتى شەرۋگە قاتىسقان ساربازدارمەن كەزدەسۋ ءوتتى.
كەزدەسۋدە قۇرمەت روتاسى قاراۋىلىنىڭ قۇرامى ماسكەۋدە وتكەن پارادتان العان اسەرلەرىمەن وعان قاتىسۋعا جۇرگىزىلگەن دايىندىق جۇمىستارى جونىندە كەڭىرەك اڭگىمەلەدى. مۇندا قۇرمەت روتاسى قاراۋىلىنىڭ تاربيە جانە الەۋمەتتىك-قۇقىقتىق جۇمىس جونىندەگى كومانديرىنىڭ ورىنباسارى, اعا لەيتەنانت سۇلتان ۇمبەتاليەۆ, قىزىل الاڭدا ەلىمىزدىڭ قارۋلى كۇشتەرى اتىنان جەڭىس تۋىن كوتەرگەن كىشى سەرجانت ماديار الكەنوۆ, ونىڭ كومەكشىلەرى اسحات راقىمجانوۆ پەن تەمىرلان ادەتباەۆ سالتاناتتى شەرۋدەن العان اسەرلەرى, وندا قازاقستان ساربازدارىنىڭ شەتەلدىكتەر تاراپىنان جوعارى باعاعا يە بولعاندارى جونىندەگى ويلارىمەن ءبولىستى.
– ءبىز اسكەري پارادقا قاتىسۋ ءۇشىن ماسكەۋگە 30 ءساۋىر كۇنى تاڭەرتەڭ كەلدىك, – دەدى اعا لەيتەنانت س.ۇمبەتاليەۆ. – ءبىزدى رەسەيلىكتەر جاقسى قارسى الىپ, ماسكەۋ وبلىسىنىڭ اسكەري ساناتوريىنە ورنالاستىردى. شەرۋدە ساربازدار جاقسى قىرىنان كورىندى. ءبىزدىڭ اسكەريلەردىڭ سالتاناتتى ساپتا اسقاق كورىنگەنىن رەسەيلىكتەر داۋىستاپ “قازاقتار, جارايسىڭدار!” دەپ ريزاشىلىعىن بىلدىرسە, ۇلىبريتانيا, اقش, پولشا مەن فرانتسيانىڭ وكىلدەرى ءبىزدىڭ كوزىمىزشە ساربازداردىڭ ساپتاعى شەرۋىن باس بارماقتارىمەن باعالادى. سونىمەن بىرگە ونىڭ ايتۋىنشا, ساربازدار جەڭىس كۇنى قارساڭىندا كرەمل, الەمدە تەڭدەسى جوق اسكەري تەحنيكا جانە باسقا دا قارۋلى كۇشتەردىڭ 300-دەن اسا ەكسپوناتى قويىلعان بروندى تانكىلىك مۇراجايى مەن ماسكەۋ تسيركىن تاماشالاۋ مۇمكىندىگىنە يە بولدى.
داستان كەنجالين.
