بۇل قاڭقاسى اعاش تاقتايدان قۇراستىرىلعان بىرەۋىنە عانا كەتكەن قارجى. ال ازعانتاي قاردى كىشكەنە تومپەشىك ەتىپ ۇيگەن ەكىنشىسىنىڭ قۇنى - 248 مىڭ تەڭگە. ونىڭ ءوزى بەلگىلەنگەن مەرزىمىنەن جارتى اي كەشىكتىرىلىپ جاسالعان.
«تاقتايلار دۇرىس سۇرگىلەنبەگەن, ءتيىستى سۇيىقتىقپەن وڭدەلمەگەن. ءوزىنىڭ باعاسىنا مۇلدە ساي كەلمەيدى. ال مىنا قاردان ۇيىلگەن سىرعاناقتى تەك 13 قاڭتاردا جاساي باستادى. ال مەملەكەتتىك تاپسىرىس بويىنشا ول 31 جەلتوقساندا پايدالانۋعا بەرىلۋى ءتيىس ەدى. قازىرگى كەيپىنە قاراپ مەن ونى بالالاردىڭ سىرعاناپ ويناۋىنا جارامدى دەپ ويلامايمىن», دەدى گالينا فيرۋس ەسىمدى ايەت اۋىلىنىڭ تۇرعىنى.
تۇرعىندار قار مۇسىندەر مەن سىرعاناقتارعا قانشا قارجى بولىنگەنىن مەلمەكەتتىك ساتىپ الۋ سايتىنان كورىپتى.
«جالعىز جولبارىستىڭ قۇنى 104 مىڭ تەڭگە تۇرادى دەيدى. سونىمەن بىرگە مۇندا اياز اتا مەن قارشا قىزدىڭ دا ءمۇسىنى بولدى. ءبارى دە ساپاسىز دايىندالعان. كوپ ۇزاتپاي قاڭتاردىڭ باسىندا ولاردىڭ ءبارىن قۇلاتىپ, ورنىن تازالاپ تاستادى», دەدى اۋىل تۇرعىنى جانات ماكۋموۆا.
اۋىل اكىمىنىڭ سىرقاتتانىپ قالۋىنا بايلانىستى وسى وقيعاعا ونىڭ ورىنباسارى پىكىر بىلدىرگەن.
«مىنە, وسىنداي سىرعاناق الماتى قالاسىندا 1 ملن 200 مىڭ تەڭگەنىڭ سىرتىندا تۇرادى. ونى اكەلىپ ورناتۋدى قوسساق 2 ملن تەڭگەنىڭ سىرتىنا شىعادى. سوندىقتان ءبىز بارىنشا ارزانعا ورناتتىق», دەدى ايەت اۋىلى اكىمىنىڭ ورىنباسارى ابزال ارىقوۆ.
بۇل ءسوزدى اۋدان باسشىلارى دا قوستاپ وتىر.
«قاردى سىرتتان تاسىدى. ياعني, تراكتور قىزمەتىنىڭ قۇنى بار, جانار-جاعارماي بار دەگەندەي. ونىڭ سىرتىندا اپتاسىنا ءبىر رەت سۋ قۇيىپ سىرعاناقتى كۇتۋ كەرەك», دەدى ب. مايلين اۋدانى اكىمىنىڭ ورىنباسارى مارات الماعانبەتوۆ.
مەردىگەر ەكىنشى سىرعاناقتى تاپسىرۋدى مەرزىمىنەن كەشىكتىرگەنى ءۇشىن 248 مىڭ تەڭگەنى اۋىل بيۋدجەتىنە قايتارعان. اۋدان باسشىلارى باسقا زاڭعا قايشىلىق تاپاعان. الايدا ولاردىڭ بۇل پىكىرمەن جەرگىلىكتى تۇرعىندار كەلىسپەيدى. ولار «اۋىل اكىمنىڭ ارەكەتىن تەكسەرۋدى سۇراپ, قۇزىرلى ورىندارعا جازباشا شاعىم» ءتۇسىردى.
