ۆاك وتىرىسىندا كارانتين كەزەڭىندە قازاقستاندىق جانە شەتەلدىك ازاماتتاردىڭ قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ ءتارتىبىن جەڭىلدەتۋ ماسەلەلەرى تالقىلاندى.
ۆەدومستۆوارالىق كوميسسيا ۋاقىتشا شەكتەۋلەردى الىپ تاستاۋ تۋرالى شەشىم قابىلدادى:
- قازاقستان رەسپۋبليكاسى ازاماتتارىنىڭ قازاقستان رەسپۋبليكاسىنىڭ حالىقارالىق اۋەجايلارى ارقىلى شەت مەملەكەتتەرگە شىعۋىنا;
- ۆيزالىق تالاپتار ساقتالعان جاعدايدا شەتەلدىكتەرگە ۆيزاسىز رەجيمى بار ەلدەردەن, سونداي-اق تىكەلەي اۋە قاتىناسى بار ەلدەردەن (تۇراقتى, تۇراقتى ەمەس چارتەرلىك رەيستەر) قازاقستان رەسپۋبليكاسىنىڭ اۋماعىنا/اۋماعى ارقىلى كىرۋگە/ترانزيتتىك وتۋگە رۇقسات بەرىلەدى.
سونداي-اق قازاقستان رەسپۋبليكاسىنىڭ ازاماتتارى ءۇشىن اۆتووتپە جولدارى ارقىلى شەت مەملەكەتتەرگە شىعۋ ءۇشىن شەكتەۋ مەرزىمى ەكى ەسە ازايتىلدى, ەندى قازاقستاندىقتار 15 تاۋلىكتە 1 رەت شىعا الادى.
ەلگە كىرۋ كەزىندەگى جالعىز تالاپ – شەتەلدەن كەلگەندەردىڭ بارلىعى ۆاكتسينا العانىنا قاراماستان, 72 ساعات ىشىندە جارامدى COVID-19-عا تەرىس پتر-تەستى تۋرالى انىقتامانى ۇسىنۋى كەرەك. بىرگە الىپ جۇرەتىن ادامداردا تەرىس تەست تۋرالى قۇجات بولعان جاعدايدا 5 جاسقا دەيىنگى بالالاردان انىقتاما تالاپ ەتىلمەيدى.
بۇل شارالار ەكونوميكالىق قىزمەتتى جانداندىرۋعا, وتاندىق تۋريستىك بيزنەستى دامىتۋعا جانە ەلدىڭ ينۆەستيتسيالىق احۋالىن جاقسارتۋعا باعىتتالعان.
مەملەكەت باسشىسى قاسىم-جومارت كەمەل ۇلى توقاەۆ 21 قاڭتاردا بيزنەس وكىلدەرىمەن كەزدەسۋ بارىسىندا ۇكىمەتكە كوروناۆيرۋس ينفەكتسياسىنىڭ تارالۋىنا جول بەرمەۋ بويىنشا كارانتيندىك شارالاردى قولدانۋ تاسىلدەرىن قايتا قاراۋدى تاپسىرعان بولاتىن.