«ولاردىڭ جەكە باسى مەن وتباسىلىق جاعدايى, جاسىن, دەنساۋلىعى تاعى باسقا ماسەلەلەر نازارعا الىندى. ىستەگەن تىرلىگىنە كوزقاراسىن جانە باسقا دا سيپاتتايتىن دەرەكتەردى جان-جاقتى تالدايمىز.
بارلىق دەرەكتەردى تالداعان ارنايى پروكۋرورلار 76 كۇدىكتى تەرگەۋ يزولياتورىنان بوساتتى. قاماۋعا الۋ ەشقايدا كەتپەۋ تۋرالى جازباشا مىندەتتەمەمەن, ۇيقاماقپەن جانە جەكە كەپىلدىكپەن اۋىستىرىلدى», دەدى ول.
ريزابەك وجاروۆتىڭ ايتۋىنشا, ولاردىڭ اراسىندا ەكى ايەل مەن توعىز كامەلەتكە تولماعان بالالار بار.
«تەرگەۋ يزولياتورلارىندا كەزدەيسوق تۇلعالاردىڭ جوقتىعىن اشىق ايتامىز. تەك اۋىر جانە اسا اۋىر قىلمىستار تۋرالى ايعاقتارى بارلار عانا قاماۋعا الىنادى», دەدى ول.
