tengrinews.kz تارتاتقان اقپاراتقا سۇيەنسەك, شارداراداعى اۋداندىق پوليتسيا بولىمىنە بىرنەشە مەكتەپ شوتتارىنان, دۇرىسى مۇعالىمدەردىڭ جالاقىسىنان باسقا شوتقا ءىرى سوماداعى قارجىنى زاڭسىز اۋدارۋ دەرەگى بويىنشا حابارلاما تۇسكەن.
«جەدەل-ىزدەستىرۋ ءىس-شارالارى ناتيجەسىندە ءتارتىپ ساقشىلارى الاياقتىڭ شوتى مەن كۇدىكتىنىڭ جەكە باسىن انىقتاعان. ونىڭ الماتىدا ەكەنى بەلگىلى بولدى. شاردارا اۋداندىق پوليتسيا ءبولىمىنىڭ قىزمەتكەرلەرى الاياقتى ۇستاپ, ونى اۋداندىق پوليتسيا بولىمىنە جەتكىزدى», دەلىنگەن حابارلامادا.
كۇدىكتىنىڭ بۇرىن قارجى سالاسىندا جۇمىس ىستەگەنى انىقتالعان. ول وتكەن جىلى جۇمىسىنان بوساپ, الماتىعا ات باسىن بۇرعان.
كەيىن جەكە دەرەكتەردى پايدالانىپ, 40-تان اسا مۇعالىمنىڭ جالاقىسىن ءوز شوتىنا اۋدارىپ العان. جابىرلەنۋشىلەرگە كەلتىرىلگەن زالالدىڭ جالپى سوماسى 17 ميلليون تەڭگەدەن اسىپ جىعىلعان. كۇدىكتىدەن 1,5 ميلليون تەڭگە تاركىلەندى», دەلىنگەن حابارلامادا.
دەرەك قىلمىستىق كودەكستىڭ «الاياقتىق», ياعني, 190-بابى بويىنشا تىركەلدى. كۇدىكتى قامالعان.
