جاڭا قىزمەتتى egov.kz پورتالىندا ونلاين الۋ قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, «ۇلتتىق اقپاراتتىق تەحنولوگيالار» اق جانە قر ادىلەت مينيسترلىگىنىڭ اقپاراتتىق جۇيەلەرىن بىرىكتىرۋ ارقىلى جۇزەگە اسىرىلىپ وتىر. قىزمەت زاڭدى جانە جەكە تۇلعالارعا قولجەتىمدى ءارى تەگىن كورسەتىلەدى. ەندى قۇرىلتايشىنىڭ (جەكە تۇلعانىڭ) جارعىلىق كاپيتالداعى ۇلەستەرىن سەنىمگەرلىك باسقارۋعا بەرۋ, ۇلەستى باسقارۋعا بەرۋ مەرزىمىن وزگەرتۋ جانە سەنىمگەرلىك باسقارۋعا بەرۋدى قايتارىپ الۋ مۇمكىندىگى بار.
«جاڭا قىزمەتتىڭ ىڭعايلىلىعى – ۇيدەن شىقپاي-اق زاڭدى تۇلعانىڭ ۇلەسىن ونلاين باسقارۋعا بەرۋگە بولاتىنى. ءبىز مەملەكەتتىك ورگانمەن بىرلەسىپ قىزمەت الۋ ۋاقىتىن قىسقارتۋ اياسىندا جۇمىس ىستەپ جاتىرمىز. قر ءتسدياوم بىرلەسكەن جۇمىستىڭ ارقاسىندا تسيفرلىق ترانسفورماتسيا ازاماتتار ءۇشىن دە, كاسىپ ءۇشىن دە كوپتەگەن بيزنەس-پروتسەستەردى جەڭىلدەتەدى جانە جاقسارتادى», دەيدى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.
«ۇلتتىق اقپاراتتىق تەحنولوگيالار» اق قوعاممەن بايلانىس باسقارماسىنىڭ مالىمدەۋىنشە, مەملەكەتتىك قىزمەتتەر تىزىمىندە قازىر 700-گە جۋىق قىزمەت پەن سەرۆيس قولجەتىمدى. وتكەن جىلى ەلەكتروندى ۇكىمەت پورتالىندا قىزمەتتەردىڭ 92%-ى اۆتوماتتاندىرىلدى. Egov.kz پورتالىنىڭ كومەگىمەن ازاماتتارعا شامامەن 50 ميلليون قىزمەت كورسەتىلگەن, بۇل 2020 جىلمەن سالىستىرعاندا 6 ميلليونعا كوپ.
