بۇرىن اۋىلدىق كىتاپحانا جەرگىلىكتى مادەنيەت ۇيىندە ورنالاساتىن. وندا كىتاپتاردىڭ باي قورىن تار بولمەگە ورنالاستىرۋ مۇمكىن ەمەس ەدى. ەندى اۋىلدا كىتاپتار ءۇشىن بولەك عيمارات تۇرعىزىلىپ جاتىر, ونى جازدا تاپسىرۋ جوسپارلانعان.
جاڭا كىتاپحانانىڭ قۇرىلىسىنا رەسپۋبليكالىق بيۋدجەتتەن 330 ميلليون تەڭگە ءبولىندى.
«قازىر كوپتەگەن كىتاپتار مادەنيەت ءۇيىنىڭ جەرتولەسىندە جاتىر. ولاردى قويۋعا ەش جەر جوق. بارلىعىن شىعارۋعا مۇمكىندىك جوق. سوندىقتان قازىر كىتاپحانا ءۇشىن 100 مىڭ كىتاپقا ارنالعان جاڭا عيماراتتىڭ قۇرىلىسى ءجۇرىپ جاتىر. تامىز ايىندا ول وقىرماندارعا ەسىگىن ايقارا اشادى», دەدى بايدىبەك اۋداندىق قۇرىلىس, ساۋلەت جانە قالا قۇرىلىسى ءبولىمىنىڭ سەكتور مەڭگەرۋشىسى جانداربەك سۇلتانبەكوۆ.
