اقپاراتتىق پورتال ارقىلى كەز كەلگەن ادام جوبالار بويىنشا جاڭالىقتارمەن, قاراجاتتىڭ ءتۇسۋى مەن جۇمسالۋى بويىنشا قارجىلىق ەسەپتەرمەن, جۇزەگە اسىرىلعان جوبالاردىڭ ناتيجەلەرىمەن تانىسا الادى.
قايىرىمدىلىق كومەككە قالاي جۇگىنۋگە بولاتىنى تۋرالى قادامدىق نۇسقاۋلاردى ء«وتىنىشتى قالاي بەرە الامىن» بولىمىنەن بىلۋگە بولادى. وسىلايشا, پايدالانۋشىلار اۆتوماتتى تۇردە www.atamekenim.kz پورتالىنا قايىرىمدىلىق ۇيىمدارىنىڭ بىرىڭعاي پلاتفورماسىنا جىبەرىلەدى. ءوتىنىشتى قاراۋدى ءوتىنىش بەرۋشى مەن قور اراسىنداعى ءوزارا ءىس-قيمىلدى قامتاماسىز ەتۋ نيەتىن بىلدىرگەن حالىقتىڭ ساناتتارىمەن جۇمىس ىستەيتىن ۇەۇ جۇزەگە اسىرادى.
www.atamekenim.kz سايتى قايىرىمدىلىق ۇيىمدارىنىڭ حالىقپەن جۇمىس جاسايتىن الاڭى بولىپ تابىلادى. سايت eGov.kz ەلەكتروندىق ۇكىمەت پورتالىنىڭ كەيبىر مالىمەتتەر بازاسىمەن بىرىكتىرىلگەن. الداعى ۋاقىتتا ءوتىنىش بەرۋشىلەردىڭ مارتەبەسى تۋرالى تولىق اقپارات الۋ ءۇشىن پورتالدى مەملەكەتتىك جانە جەرگىلىكتى اتقارۋشى ورگانداردىڭ بارلىق قولجەتىمدى دەرەكتەر بازالارىمەن ينتەگراتسيالاۋ جۇمىستارى جۇرگىزىلەتىن بولادى. بۇگىنگى تاڭدا سايت دەنساۋلىق ساقتاۋ, ءبىلىم جانە عىلىم, تۇرعىن ءۇي, نەگىزگى قاجەتتىلىكتەر جانە ت.ب سالالاردا جۇمىس ىستەيتىن 86 قايىرىمدىلىق ۇيىمىن اككرەديتاتسيالادى. قور اككرەديتتەلگەن قايىرىمدىلىق ۇيىمدارىنىڭ سانى ارتاتىنى ايتتى. قوردىڭ قامقورشىلىق كەڭەسى بەلگىلەگەن ءاربىر قىزمەتى بويىنشا دەمەۋشىلىك كومەككە جۇگىنگەن تۇلعالارمەن جانە ۇەۇ-مەن ءوزارا ءىس-قيمىلدىڭ ەگجەي-تەگجەيلى ەرەجەلەرىن ازىرلەۋ قاجەت.
ءوتىنىم قوردىڭ ماقساتتارى مەن مىندەتتەرىنە سايكەس كەلمەگەن جاعدايدا قابىلدانباۋى مۇمكىن ەكەنىن ەسكەرىڭىز. وتىنىشتەردى قاراۋ ءۇشىن قور قىزمەتىنىڭ ءاربىر باعىتى بويىنشا ساراپتامالىق كوميسسيالار قۇرىلادى. ساراپتامالىق كوميسسيالاردىڭ مۇشەلەرى قور قىزمەتىنىڭ ءبىر سالاسى بويىنشا ساراپشى دەپ تانىلعان ماماندار بولادى.
«قازاقستان حالقىنا» قورى جۇرتشىلىقتىڭ پىكىرىن ەسكەرە وتىرىپ, ساراپتامالىق كوميسسيالاردىڭ قۇرامىن قالىپتاستىرۋعا مۇددەلى. ساراپتامالىق كوميسسيا مۇشەلەرىنە ارنالعان ۇسىنىستاردى سايتتىڭ «ساراپشىلار» بولىمىنە ءوتىپ جىبەرۋگە بولادى. دەمەۋشىلەردىڭ ۇسىنىستارى قايىرىمدىلىق شارالارىنا قاراجات ءبولۋ, قوردىڭ اكىمشىلىك شىعىندارىن جابۋعا دا قاتىستى قابىلدانادى.
