ىشكى ىستەر ءمينيسترى پوليتسيا گەنەرال-لەيتەنانتى ەرلان تۇرعىمباەۆ قايرات ميحايل ۇلىن ۇلتتىق ۇلان باس قولباسشىلىعىنىڭ جەكە قۇرامىنا تانىستىردى.
قايرات اقتانوۆ 1972 جىلى ناۋرىزدا سولتۇستىك قازاقستان وبلىسىندا دۇنيەگە كەلگەن.
قازاقستان رەسپۋبليكاسى شەكارا اسكەرلەرىنىڭ اسكەري ينستيتۋتىن, قر قارۋلى كۇشتەرىنىڭ ۇلتتىق قورعانىس ۋنيۆەرسيتەتىن, رەسەي فەدەراتسياسى باس شتابىنىڭ اكادەمياسىن تامامداعان.
ءىىم ىشكى اسكەرلەرى قاتارىندا ۆزۆود كومانديرى لاۋازىمىنان باستاپ, پولك جانە قۇراما كومانديرى لاۋازىمدارىنا دەيىنگى قىزمەتتىك جولدان ءوتتى.
ءار جىلداردا ۇلتتىق ۇلاننىڭ «باتىس», «وڭتۇستىك», «شىعىس» وڭىرلىك قولباسشىلىقتارىن باسقاردى جانە ۇلتتىق ۇلان باس قولباسشىسىنىڭ كەڭەسشىسى, ۇلتتىق ۇلان باس شتابى باستىعىنىڭ ءبىرىنشى ورىنباسارى مىندەتتەرىن اتقاردى.
قازاقستان رەسپۋبليكاسىنىڭ 12 مەدالىمەن ناگرادتالعان, ىشكى ىستەر مينيسترلىگىنىڭ قۇرمەتتى قىزمەتكەرى.
